ഫോര്ട്ട് ലോഡര്ഡെയില്, ഫ്ലോറിഡ: 16-ാമത് കെ.സി.സി.എന്.എ. കണ്വെന്ഷന്്റെ രണ്ടാം ദിനത്തില് കെ.സി.സി.എന്.എ. വനിതാ വേദി അവതരിപ്പിച്ച “ക്നാനായ രാജകീയ കിരീടമത്സരം’ നിറഞ്ഞ സദസ്സിന്്റെ കൈയടി നേടി. കെ.സി.ഡബ്ള്യു.എഫ്.എന്.എ. ഇതുവരെ സംഘടിപ്പിച്ച ഏറ്റവും വലിയ പരിപാടികളിലൊന്നായ മത്സരം കണ്വെന്ഷന്്റെ പ്രധാന ആകര്ഷണമായി മാറി.
പരിചയപ്പെടുത്തല് ഘട്ടം, പ്രതിഭാ അവതരണ ഘട്ടം, ചോദ്യോത്തര ഘട്ടം എന്നിങ്ങനെ മൂന്ന് ഘട്ടങ്ങളിലായാണ് മത്സരം നടന്നത്. ഓരോ മത്സരാര്ഥിയും തങ്ങളുടെ വ്യക്തിത്വവും കഴിവും ആത്മവിശ്വാസവും വേദിയില് മികച്ച രീതിയില് അവതരിപ്പിച്ചു. ക്നാനായ സമൂഹത്തിന് പുറത്തുനിന്നുള്ള വിധികര്ത്താക്കളുടെ സമിതിയാണ് മത്സരം വിലയിരുത്തിയത്. മത്സരത്തിന്്റെ ഉയര്ന്ന നിലവാരം വിജയികളെ തിരഞ്ഞെടുക്കുന്നത് വിധികര്ത്താക്കള്ക്ക് ഏറെ പ്രയാസകരമാക്കിയതായി സംഘാടകര് പറഞ്ഞു.
റാണി വിഭാഗത്തില് ഹൂസ്റ്റണില് നിന്നുള്ള സ്റ്റെല്ല പ്ളാത്തോട്ടത്തില് ജേതാവായി. ഡിട്രോയിറ്റില് നിന്നുള്ള ഷോമ മങ്ങാട്ടുപുളിക്കിയില് ഒന്നാം റണ്ണറപ്പും ചിക്കാഗോയില് നിന്നുള്ള ജീന മട്ടത്തില് രണ്ടാം റണ്ണറപ്പുമായി.രാജാവ് വിഭാഗത്തില് താമ്പായില് നിന്നുള്ള ജേക്കബ് കണിയാലില് ജേതാവായി. ന്യൂയോര്ക്കില് നിന്നുള്ള ബേര്ണി മുല്ലപ്പള്ളി ഒന്നാം റണ്ണറപ്പും ഹൂസ്റ്റണില് നിന്നുള്ള റോജര് നെല്ലാമറ്റം രണ്ടാം റണ്ണറപ്പുമായി.രാജകുമാരി വിഭാഗത്തില് ഡാളസില് നിന്നുള്ള ആഷ്ലിന് കുഴിക്കാട്ടില് ജേതാവായി. താമ്പായില് നിന്നുള്ള മിഖായ്ലാ മച്ചാനിക്കല് ഒന്നാം റണ്ണറപ്പും ചിക്കാഗോയില് നിന്നുള്ള അഞ്ജലി കുന്നശ്ശേരി രണ്ടാം റണ്ണറപ്പുമായി.
രാജകുമാരന് വിഭാഗത്തില് ന്യൂയോര്ക്കില് നിന്നുള്ള ഇസയ്യ മുള്ളപ്പള്ളി ജേതാവായി. ചിക്കാഗോയില് നിന്നുള്ള സാമുവല് മട്ടത്തില് ഒന്നാം റണ്ണറപ്പും ഹൂസ്റ്റണില് നിന്നുള്ള ആന്്റണി നെല്ലാമറ്റം രണ്ടാം റണ്ണറപ്പുമായി.വിജയികള്ക്ക് ദേശീയ വേദിയില് കിരീടവും പുരസ്കാരവും സമ്മാനിച്ചു. കെ.സി.ഡബ്ള്യു.എഫ്.എന്.എ. ദേശീയ പ്രസിഡന്്റ് ഡാനി പല്ലാട്ടുമഠത്തിന്്റെ നേതൃത്വത്തില് ജനറല് സെക്രട്ടറി മരിയ കൈതാരം, ഉപാധ്യക്ഷ ലീല മട്ടത്തില്, ട്രഷറര് രേഷ്മ കൊച്ചുപുരയ്ക്കല്, ജോയിന്്റ് സെക്രട്ടറി മഞ്ജു നെടുമാക്കേല്, ജോയിന്്റ് ട്രഷറര് നിധി കോടിഞ്ഞിയില് എന്നിവരുടെയും ദേശീയ സമിതിയുടെയും മാസങ്ങളായുള്ള തയ്യാറെടുപ്പിന്്റെ ഫലമായാണ് പരിപാടി അരങ്ങേറിയത്.കെ.സി.സി.എന്.എ. പ്രസിഡന്്റ് ജെയിംസ് ഇല്ലിക്കല്, കണ്വെന്ഷന് ചെയര്മാന് ജോബി ഊരാളില്, കെ.സി.ഡബ്ള്യു.എഫ്.എന്.എ. ദേശീയ പ്രസിഡന്്റ് ഡാനി പല്ലാട്ടുമഠം എന്നിവര് വിജയികളെയും എല്ലാ മത്സരാര്ഥികളെയും അഭിനന്ദിച്ചു.
ബൈജു ആലപ്പാട്ട്, കെ.സി.സി.എന്.എ. പി.ആര്.ഒ
