ടാമ്പാ: സേക്രഡ് ഹാര്ട്ട് ക്നാനായ കത്തോലിക്ക ഫൊറോനാ ദേവാലയത്തില് മതബോധന ഞായര് (Catechetical Sunday) സെപ്റ്റംബര് 20 ഞായറാഴ്ച ആചരിച്ചു. ഇംഗ്ലീഷ് വിശുദ്ധ കുര്ബാനയ്ക്കുശേഷം നടന്ന പ്രത്യേക ചടങ്ങില്, കുട്ടികളുടെയും യുവജനങ്ങളുടെയും വിശ്വാസപരിശീലനത്തിനായി നിസ്വാര്ത്ഥ സേവനം ചെയ്യുന്ന എല്ലാ മതബോധന അധ്യാപകരെയും ആദരിക്കുകയും അവരുടെ വിലപ്പെട്ട സേവനങ്ങള്ക്ക് നന്ദി അറിയിക്കുകയും ചെയ്തു. ഇടവക വികാരി ഫാ. ജോസഫ് അദോപ്പിള്ളില്, സണ്ഡേ സ്കൂള് പ്രിന്സിപ്പല് സിജോയ് പറപ്പള്ളില്, മാതാപിതാക്കളുടെ പ്രതിനിധി ലിനു കൈതമലയില്, വിദ്യാര്ഥി പ്രതിനിധി ജെവിന് പഴമ്പള്ളില്, അധ്യാപക പ്രതിനിധികളായ ആഷ്ലി പുതുപ്പള്ളിമ്യാലില്, ആഞ്ചലിക് തോമസ് എന്നിവര് ആശംസകളും സന്ദേശങ്ങളും പങ്കുവച്ചു.
സണ്ഡേ സ്കൂള് ശുശ്രൂഷയുടെ പ്രാധാന്യത്തെക്കുറിച്ച് ചിന്തിക്കാനും, പുതുതലമുറയെ കത്തോലിക്കാ വിശ്വാസത്തില് വളര്ത്തുന്നതിനായി സമര്പ്പിതമായി പ്രവര്ത്തിക്കുന്ന അധ്യാപകര്, മാതാപിതാക്കള്, വിദ്യാര്ഥികള്, ഇടവക സമൂഹം എന്നിവരുടെ കൂട്ടായ പരിശ്രമങ്ങള്ക്ക് ദൈവത്തിന് നന്ദി അര്പ്പിക്കാനുമുള്ള സവിശേഷ അവസരമായി മതബോധന ഞായര് ആഘോഷം മാറി.
Robin champaniyil
