കോട്ടയം: കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് പ്രവര്ത്തിക്കുന്ന സ്വാശ്രയ സന്നദ്ധ പ്രവര്ത്തകര്ക്കായി ഏകദിന പരിശീലന പരിപാടിയും ഏറ്റുമാനൂര് എം.എല്.എ നാട്ടകം സുരേഷിന് സ്വീകരണവും സംഘടിപ്പിച്ചു. തെള്ളകം ചൈതന്യയില് സംഘടിപ്പിച്ച പരിശീലന പരിപാടിയുടെ ഉദ്ഘാടനം ഏറ്റുമാനൂര് എം.എല്.എ നാട്ടകം സുരേഷ് നിര്വ്വഹിച്ചു. കോട്ടയം അതിരൂപത സഹായ മെത്രാന് ഗിവര്ഗ്ഗീസ് മാര് അപ്രേം ചടങ്ങില് അദ്ധ്യക്ഷത വഹിച്ചു. കെ.എസ്.എസ്.എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, ചൈതന്യ പാസ്റ്ററല് സെന്റര് ഡയറക്ടര് ഫാ. ബിബിന് കണ്ടോത്ത്, ഏറ്റുമാനൂര് മുനിസിപ്പാലിറ്റി ചെയര്മാന് ടോമി കുരുവിള, കോട്ടയം മുനിസിപ്പാലിറ്റി കൗണ്സിലര്മാരായ ബിന്സി സെബാസ്റ്റ്യന്, ടി.സി റോയി, ഏറ്റുമാനൂര് മുനിസിപ്പാലിറ്റി കൗണ്സിലര് ലൗലി ജോര്ജ്ജ്, കെ.എസ്.എസ്.എസ് അസി. ഡയറക്ടര് ഫാ. ജെഫിന് ഒഴുങ്ങാലില് എന്നിവര് ചടങ്ങില് സന്നിഹിതരായിരുന്നു.ഉദ്ഘാടന സമ്മേളനത്തോടനുബന്ധിച്ച് ഏറ്റുമാനൂര് എം.എല്.എ നാട്ടകം സുരേഷിനെ കോട്ടയം സോഷ്യല് സര്വ്വീസ് സൊസൈറ്റിക്ക് വേണ്ടി ഗിവര്ഗ്ഗീസ് മാര് അപ്രേം പൊന്നാടയും പൂച്ചെണ്ടും നല്കി ആദരിച്ചു. കോട്ടയം, ഇടുക്കി, ആലപ്പുഴ, പത്തനംതിട്ട, എറണാകുളം ജില്ലകളിലായുള്ള കെ.എസ്.എസ്.എസ് സ്വാശ്രയസംഘ പ്രവര്ത്തനങ്ങള്ക്ക് നേതൃത്വം നല്കുന്ന ഗ്രാമതല സന്നദ്ധ പ്രവര്ത്തകരും വോളണ്ടിയേഴ്സും പരിശീലന പരിപാടിയില് പങ്കെടുത്തു. പരിശീലന പരിപാടിയോടുനുബന്ധിച്ചുള്ള ക്ലാസ്സിന് കെ.എസ്.എസ്.എസ് ലീഡ് കോര്ഡിനേറ്റര് മേഴ്സി സ്റ്റീഫന് നേതൃത്വം നല്കി.
സ്വാശ്രയ സന്നദ്ധ പ്രവര്ത്തക പരിശീലന പരിപാടി സംഘടിപ്പിച്ചു
