കോട്ടയം: കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് കേരളാ നിയമ സഭാ സ്പീക്കര് തിരുവഞ്ചൂര് രാധാകൃഷ്ണനും സംസ്ഥാന ജലവിഭവ – ഭവന നിര്മ്മാണ വകുപ്പ് മന്ത്രി അഡ്വ. മോന്സ് ജോസഫിനും സ്വീകരണവും ആദരവും നല്കി. തെള്ളകം ചൈതന്യയില് സംഘടിപ്പിച്ച ചടങ്ങില് കോട്ടയം സോഷ്യല് സര്വ്വീസ് സൊസൈറ്റിക്ക് വേണ്ടി കോട്ടയം അതിരൂപത മെത്രാപ്പോലിത്ത മാര് മാത്യു മൂലക്കാട്ട് പൊന്നാടയും പൂച്ചെണ്ടും നല്കി ജനനേതാക്കളെ ആദരിച്ചു. കോട്ടയം അതിരൂപത വികാരി ജനറാള് റവ. ഫാ. തോമസ് ആനിമൂട്ടില്, കെ.എസ്.എസ്.എസ് എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, അതിരമ്പുഴ ഗ്രാമപഞ്ചായത്ത് പ്രസിഡന്റ് സജി ഒ.എ, കോട്ടയം ജില്ലാ പഞ്ചായത്ത് മെമ്പര് ജിം അലക്സ്, ഏറ്റുമാനൂര് ബ്ലോക്ക് പഞ്ചായത്ത് പ്രസിഡന്റ് ജയ്മോന് കരീമഠം, ഏറ്റുമാനൂര് മുനിസിപ്പാലിറ്റി ചെയര്മാന് ടോമി കുരുവിള, ഏറ്റുമാനൂര് ബ്ലോക്ക് പഞ്ചായത്ത് മെമ്പര് ഡോ. റോസമ്മ സോണി, അതിരമ്പുഴ ഗ്രാമപഞ്ചായത്ത് വൈസ് പ്രസിഡന്റ് തോമസ് പുതുശ്ശേരി, കോട്ടയം മുനിസിപ്പാലിറ്റി കൗണ്സിലര്മാരായ ബിന്സി സെബാസ്റ്റ്യന്, ടി.സി റോയി, ഏറ്റുമാനൂര് മുനിസിപ്പാലിറ്റി കൗണ്സിലര് ലൗലി ജോര്ജ്ജ്, കെ.എസ്.എസ്.എസ് അസി. ഡയറക്ടര് ഫാ. ജെഫിന് ഒഴുങ്ങാലില്, കോര്ഡിനേറ്റര് മേഴ്സി സ്റ്റീഫന് എന്നിവര് ചടങ്ങില് സന്നിഹിതരായിരുന്നു. കെ.എസ്.എസ്.എസിന്റെ പ്രവര്ത്തന മേഖലകളില് നിന്നായുള്ള സ്വാശ്രയസംഘ പ്രതിനിധികളും ആദരിക്കല് ചടങ്ങില് പങ്കെടുത്തു.
