ഹൂസ്റ്റണ്, മിസ്സോറി സിറ്റി: മാതൃത്വത്തിന്റെ മഹത്വവും സ്നേഹവും വാഴ്ത്തിക്കൊണ്ട് ഹൂസ്റ്റണ് സെന്റ് മേരീസ് ക്നാനായ കത്തോലിക്കാ ഫൊറോന ദൈവാലയത്തില് മാതൃദിനം (Mother’s Day) വിപുലമായ പരിപാടികളോടെ ആഘോഷിച്ചു. മേയ് 10 ഞായറാഴ്ച ദൈവാലയത്തില് നടന്ന ഭക്തിനിര്ഭരമായ വിശുദ്ധ കുര്ബാനയ്ക്ക് ശേഷം അമ്മമാരെ ആദരിക്കുന്നതിനായി പ്രത്യേക ചടങ്ങുകള് സംഘടിപ്പിച്ചു.
ഇടവക വികാരി റവ. ഫാ. എബ്രഹാം മുത്തോലത്ത്, അസിസ്റ്റന്റ് വികാരി ഫാ. ജോഷി വലിയവീട്ടില് എന്നിവര് പരിപാടികള്ക്ക് നേതൃത്വം നല്കി. കുടുംബത്തിന്റെയും സഭയുടെയും അടിസ്ഥാന ശിലകളായ അമ്മമാര്ക്ക് വൈദികര് മാതൃദിന ഉപഹാരങ്ങള് കൈമാറി. സ്നേഹത്തിന്റെയും ത്യാഗത്തിന്റെയും പ്രതീകമായ അമ്മമാരെ ആദരിക്കേണ്ടത് വിശ്വാസസമൂഹത്തിന്റെ കടമയാണെന്ന് വൈദികര് തങ്ങളുടെ സന്ദേശത്തില് ഓര്മ്മിപ്പിച്ചു.
ഇടവക ട്രസ്റ്റിമാരായ സജി മരങ്ങാട്ടില്, സാബു കറുകപ്പറമ്പില്, ജെയിംസ് വടക്കേക്കര, ജിജോ വട്ടമറ്റം, പാരിഷ് എക്സിക്യൂട്ടീവ് അംഗങ്ങളായ ജോസ് പുളിക്കത്തൊട്ടിയില്, സിസ്റ്റര് ലിസിന് SJC, ബിബി തെക്കനാട്ട് എന്നിവരും പാരിഷ് കൗണ്സില് അംഗങ്ങളും ആഘോഷപരിപാടികള്ക്ക് നേതൃത്വം നല്കി. ഭാരവാഹികളുടെ സജീവ സാന്നിധ്യം പരിപാടിയുടെ വിജയത്തിന് മാറ്റുകൂട്ടി.
ഇടവകയിലെ സീനിയര് മിനിസ്ട്രി അംഗങ്ങളായ മാത്യു തറയില്, ജോസ് തറയില്, തോമസ് കണിച്ചാട്ടുതറ, സെലിന് പച്ചിക്കര, ജിജി കുളക്കാട്ട് എന്നിവരുടെ നേതൃത്വത്തില് വിശ്വാസികള്ക്കായി സ്നേഹവിരുന്നും ഒരുക്കിയിരുന്നു. ചടങ്ങുകള്ക്ക് ശേഷം നടന്ന ലഘുഭക്ഷണ വിതരണത്തിന് സീനിയര് മിനിസ്ട്രി അംഗങ്ങള് നേതൃത്വം നല്കി. ഹൂസ്റ്റണിലെ ക്നാനായ സമൂഹത്തിന്റെ ഐക്യവും സ്നേഹവും വിളിച്ചോതുന്നതായിരുന്നു പള്ളി ഹാളില് നടന്ന ഈ ആഘോഷങ്ങള്.
മാതാപിതാക്കളും കുട്ടികളും ഉള്പ്പെടെ നൂറുകണക്കിന് വിശ്വാസികള് പങ്കെടുത്ത ഈ മാതൃദിന ആഘോഷം, ഇടവകയുടെ ആത്മീയവും സാമൂഹികവുമായ ഒത്തുചേരലിന്റെ മറ്റൊരു നാഴികക്കല്ലായി മാറി. കുടുംബത്തിന്റെയും സഭയുടെയും ഐക്യത്തിന് കരുത്തേകുന്ന എല്ലാ അമ്മമാര്ക്കും വികാരി ഫാ. എബ്രഹാം മുത്തോലത്ത്, അസിസ്റ്റന്റ് വികാരി ഫാ. ജോഷി വലിയവീട്ടില് എന്നിവര് ആശംസകള് നേര്ന്നു.
ബിബി തെക്കനാട്ട്
