കുറുപ്പന്തറ: സെന്റ് തോമസ് ക്നാനായ കത്തോലിക്കാ പള്ളിയുടെ 75-ാം വാര്ഷികമായ പ്ലാറ്റിനം ജൂബിലി ആഘോഷങ്ങളുടെ സമാപനം നവംബര് 24ന് നടക്കും. സമാപനത്തോടനുബന്ധിച്ച് വിവിധ പരിപാടികള് സംഘടിപ്പിക്കും.നവംബര് 22 ഞായറാഴ്ച വൈകുന്നേരം നാലിന് ക്നാനായക്കാരുടെ തലപ്പള്ളിയായ കടുത്തുരുത്തി വലിയ പള്ളിയില്നിന്ന് ജൂബിലി സമാപന വിളംബര വാഹനറാലി നടത്തും.നവംബര് 24ന് രാവിലെ 9.30ന് കുറുപ്പന്തറ സെന്റ് തോമസ് ക്നാനായ കത്തോലിക്കാ പള്ളിയില് നടക്കുന്ന കൃതജ്ഞതാബലിക്ക് കോട്ടയം അതിരൂപതാ മെത്രാപ്പോലീത്ത മാര് മാത്യു മൂലക്കാട്ട് മുഖ്യകാര്മികത്വം വഹിക്കും.രാവിലെ 11.30ന് നടക്കുന്ന പൊതുസമ്മേളനം മുഖ്യമന്ത്രി വി.ഡി. സതീശന് സമ്മേളനം ഉദ്ഘാടനം ചെയ്യും. മാര് മാത്യു മൂലക്കാട്ട് അധ്യക്ഷത വഹിക്കും. മന്ത്രി മോന്സ് ജോസഫ് മുഖ്യപ്രഭാഷണം നടത്തും. ചലച്ചിത്രതാരം ഫഹദ് ഫാസില്, പഞ്ചായത്ത് പ്രസിഡന്റ് സുനു ജോര്ജ്, പഞ്ചായത്തംഗം ജോര്ജുകുട്ടി കാറുകുളം എന്നിവര് പങ്കെടുക്കും.




