കൈപ്പുഴ ഫൊറോനയുടെ ചരിത്രത്തില് മറ്റൊരു അഭിമാനനേട്ടം കൂടി കുറിച്ചുകൊണ്ട്, 2024-26 പ്രവര്ത്തന വര്ഷത്തില് കോട്ടയം അതിരൂപതയിലെ മികച്ച രണ്ടാമത്തെ ഫൊറോനയായി കൈപ്പുഴ ഫൊറോന തിരഞ്ഞെടുക്കപ്പെട്ടു. കണ്ണൂര് ബറുമറിയം പാസ്റ്ററല് സെന്ററില് നടന്ന ചടങ്ങില്, മാര് ജോസഫ് പണ്ടാരശ്ശേരി പിതാവിന്റെ സാന്നിധ്യത്തില്, KCYL മലബാര് റീജിയന് ചാപ്ലയിന് ഫാ. ജയിംസ് പൊങ്ങാനയില് നിന്ന് കൈപ്പുഴ ഫൊറോനയിലെ യുവജനങ്ങള് ട്രോഫി ഏറ്റുവാങ്ങി. ഈ നേട്ടത്തിന് കൂടുതല് മാറ്റുകൂട്ടിക്കൊണ്ട്, 2024-26 പ്രവര്ത്തന വര്ഷത്തില് കോട്ടയം അതിരൂപതയിലെ മികച്ച യൂണിറ്റായി കൈപ്പുഴ യൂണിറ്റും, രണ്ടാമത്തെ മികച്ച യൂണിറ്റായി കല്ലറ യൂണിറ്റും തിരഞ്ഞെടുക്കപ്പെട്ടു.
