കോട്ടയം: കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സൊസൈറ്റിയുടെ നേതൃത്വത്തില് വിഭാവനം ചെയ്ത് നടപ്പിലാക്കുന്ന തയ്യല് മിത്രാ പദ്ധതിയുടെ ഭാഗമായി തയ്യല് മെഷീന് യൂണിറ്റുകള് വിതരണം ചെയ്തു. തെള്ളകം ചൈതന്യയില് സംഘടിപ്പിച്ച ചടങ്ങില് തയ്യല് മെഷീന് യൂണിറ്റുകളുടെ വിതരണോദ്ഘാടനം കോട്ടയം അതിരൂപത വികാരി ജനറാള് റവ. ഫാ. തോമസ് ആനിമൂട്ടില് നിര്വ്വഹിച്ചു. അതിരമ്പുഴ ഗ്രാമപഞ്ചായത്ത് പ്രസിഡന്റ് സജി ഒ.എ ചടങ്ങില് അദ്ധ്യക്ഷത വഹിച്ചു. കോട്ടയം സോഷ്യല് സര്വ്വീസ് സൊസൈറ്റി എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര്, പ്രോഗ്രാം ഓഫീസര് സിജോ തോമസ്, കോര്ഡിനേറ്റര്മാരായ ബെസ്സി ജോസ്, മേരി ഫിലിപ്പ് എന്നിവര് ചങ്ങില് സന്നിഹിതരായിരുന്നു. സ്വയം തൊഴില് സംരംഭങ്ങളിലൂടെ ഉപവരുമാന സാധ്യതകള്ക്ക് വഴിയൊരുക്കുക എന്ന ലക്ഷ്യത്തോടെ നടപ്പിലാക്കുന്ന പദ്ധതിയുടെ ഭാഗമായി ഉഷ കമ്പനിയുടെ ബന്ധന് കോംപോസിറ്റ് മോഡല് തയ്യല് മെഷീന് യൂണിറ്റുകളാണ് വിതരണം ചെയ്തത്.
തയ്യല് മെഷീന് യൂണിറ്റുകള് വിതരണം ചെയ്തു
