ബര്‍മിംഗാമില്‍ ക്‌നാനായ കാത്തലിക് മിഷന്‍ യുകെയുടെ നേതൃത്വത്തിലുള്ള വാഴ്വ് 2026ന് തുടക്കം കുറിച്ചു. ബിഷപ്പ് മാര്‍ ജോസഫ് പണ്ടാരശ്ശേരില്‍ മുഖ്യകാര്‍മികത്വം വഹിച്ച വിശുദ്ധ ബലിയില്‍ മിഷനിലെ പതിനൊന്ന് വൈദികര്‍ സഹകാര്‍മികരായിരുന്നു. വചനസന്ദേശത്തില്‍ കുടുംബത്തിന്റെ പ്രാധാന്യം എടുത്തുപറഞ്ഞ പിതാവ് കുടുംബം എന്ന സഭയെ വളര്‍ത്താന്‍ എല്ലാവരും പരിശ്രമിക്കണമെന്ന് ഓര്‍മിപ്പിച്ചു. കരുണയും പരോപകാരവും ക്രിസ്തീയ ജീവിതത്തിന്റെ സ്വാഭാവിക ഭാഗമാക്കണമെന്നും ദൈവം നല്‍കിയ നന്മകള്‍ മറ്റുള്ളവരുമായി പങ്കുവയ്ക്കണമെന്നും അദ്ദേഹം ആഹ്വാനം ചെയ്തു.
