കണ്ണൂര്‍:കോട്ടയം അതിരൂപതയുടെ സാമൂഹികസേവനവിഭാഗമായ മലബാര്‍ സോഷ്യല്‍ സര്‍വ്വീസ് സൊസൈറ്റി രാജപുരം മേഖലയിലെ പൂക്കയം, മാലക്കല്ല് എന്നീ യൂണിറ്റുകളില്‍ പ്രവര്‍ത്തിക്കുന്ന വനിതാസ്വാശ്രയസംഘങ്ങളുടെ സംഗമം പൂക്കയം സെന്റ്‌സ് റ്റീഫന്‍ പാരിഷ്ഹാള്‍, മാലക്കല്ല് ലൂര്‍ദ്ദ്മാതാ പാരിഷ്ഹാള്‍ എന്നിടങ്ങളില്‍ സംഘടിപ്പിച്ചു. സ്വാശ്രയസംഘ സംഗമത്തില്‍ പങ്കെടുത്ത വനിതകള്‍ക്ക് വേണ്ടി അതിരൂപതയിലെ വൈദിക വിദ്യാര്‍ത്ഥികളുടെ നേതൃത്വത്തില്‍ ബോധവത്ക്കരണ ക്ലാസ്സ്, ഗെയിം, ഗ്രൂപ്പ് ചര്‍ച്ച എന്നിവ നടത്തി. മലബാര്‍ സോഷ്യല്‍ സര്‍വ്വീസ് സൊസൈറ്റിയുടെ വിവിധ തരത്തിലുള്ള പ്രവര്‍ത്തനങ്ങള്‍ മനസ്സിലാക്കുക എന്ന ലക്ഷ്യത്തോടെ വൈദിക വിദ്യാര്‍ത്ഥികള്‍ നടത്തിയ മലബാര്‍ ദര്‍ശന്‍ പ്രോഗ്രാമിന്റെ ഭാഗമായിട്ടാണ് സ്വാശ്രയസംഘ ഒത്തുചേരല്‍ നടത്തിയത്. ഫാ. സിബിന്‍ കൂട്ടകല്ലുങ്കല്‍, ഫാ. സിറിയക് ഓട്ടപ്പുള്ളില്‍, ഫാ. ഡിനോ കുമ്മാനിക്കാട്ട് എന്നിവര്‍ സന്നിഹിതരായിരുന്നു. മാസ്സ് കോ-ഓര്‍ഡിനേറ്റര്‍ ആന്‍സി ജോസഫ്, ആനിമേറ്റേഴ്‌സ് നേതൃത്വം നല്കി.
