വടക്കേ അമേരിക്കയുടെ വിവിധ ഭാഗങ്ങളില് നിന്ന് ഏകദേശം 100 ലധികം ക്നാനായസമുദായ യുവജനങ്ങള് കാനഡയിലെ മോണ്ട്രിയാലില് KYA സംഘടിപ്പിച്ച സംഗമത്തില് ആവേശപൂര്വം ഒന്നിച്ചു കൂടി. ഒരേ പാരമ്പര്യവും ഒരേ രക്തവും സിരകളില് പേറുന്ന യുവജനങ്ങള് ഒന്നിച്ചു ചേര്ന്ന് ആത്മാര്ത്ഥമായ ബന്ധങ്ങള് സ്ഥാപിക്കുക എന്നതായിരുന്നു ഈ പരിപാടിയുടെ പ്രധാന ലക്ഷ്യം. കെ.സി.സി.എന്.എ യുടെ യൂത്ത് പ്രോഗ്രാമുകളില് മികച്ചതാണ് ക്നാനായ യംഗ് അഡള്ട് (KYA ) ഓര്ഗനൈസേഷന് മൂന്ന് ദിവസങ്ങളിലായി, പങ്കെടുത്തവര് ചര്ച്ചകള്,പരിചയപെടലുകള് , നഗരപര്യടനം, കൂട്ടായ പ്രവര്ത്തനങ്ങള്, ഒരുമിച്ചുള്ള ഇടപെടെലുകള് എന്നിവയിലൂടെ സ്വാഭാവികമായി അര്ത്ഥവത്തായ ബന്ധങ്ങള് രൂപപ്പെടാന് സഹായിക്കുന്ന അനുഭവങ്ങളിലേക്കാണ് കടന്നത്. പരിചയപ്പെടലുകളും ഐസ് ബ്രേക്കറുകളും ആയി തുടങ്ങിയ സമയം പെട്ടെന്ന് ചിരികളിലേക്കും കഥപറച്ചിലുകളിലേക്കും പുതിയ സൗഹൃദങ്ങളുടെ തുടക്കത്തിലേക്കും മാറി. സൗഹൃദപരവും സുഖപ്രദവുമായ അന്തരീക്ഷം, യഥാര്ത്ഥ ബന്ധങ്ങളെ മുന്നിര്ത്തിയ ഒരു വാരാന്ത്യത്തിനുള്ള ഭംഗിയായ തുടക്കമായി. രണ്ടാം ദിവസം, സംഘം മോണ്ട്രിയാലിന്റെ ഹൃദയഭാഗത്തേക്ക് യാത്ര തിരിച്ചു. അതില് St. Joseph’s Oratory സന്ദര്ശനവും വിശുദ്ധ കുര്ബാനയും ധ്യാനസമയവും ഉള്പ്പെട്ടു. ഈ ആത്മീയ നിമിഷത്തെ കൂടുതല് അര്ത്ഥവത്താക്കാന് സഹായിച്ച ഫാ. ജോമോന്റെ സാന്നിധ്യത്തിനും പിന്തുണയ്ക്കും സംഘാടകര് നന്ദി അറിയിച്ചു. തിരക്കേറിയ ഷെഡ്യൂളുകള്ക്ക് പകരം, നഗരത്തിലൂടെ കൂട്ടമായി നടന്ന്, ഒരുമിച്ച് ഭക്ഷണം പങ്കിട്ട്, കൂടുതല് സ്വാഭാവികമായി പരസ്പരം അറിയാനുള്ള അവസരങ്ങള് ഈ ദിവസം ഒരുക്കി. ദിവസത്തിലെ പ്രധാന ആകര്ഷണങ്ങളില് ഒന്നായിരുന്നു La Guilde Culinaire-ല് നടന്ന കുക്കിംഗ് ക്ലാസ്. സഹകരണം, ടീംവര്ക്ക്, ഒട്ടേറെ ചിരികള് എന്നിവ ചേര്ന്ന ഈ പ്രവര്ത്തനം വാരാന്ത്യത്തിലെ ഏറ്റവും ഓര്മ്മിക്കപ്പെടുന്ന അനുഭവങ്ങളിലൊന്നായി മാറി. അവസാന ദിവസം, ‘Called in Many Ways: Discovering Your Vocation Without Deadlines’ എന്ന ശില്പശാലയിലൂടെ പങ്കെടുത്തവര് കൂടുതല് ആഴത്തിലുള്ള ചിന്തകളിലേക്ക് ക്ഷണിക്കപ്പെട്ടു. വ്യക്തിപരമായ അനുഭവങ്ങള്, പാനല് ചര്ച്ചകള്, സംവേദനാത്മക സംഭാഷണങ്ങള് എന്നിവയിലൂടെ ഓരോ ജീവിതവിളിയുടെയും മഹത്വവും സൗന്ദര്യവും ഉറപ്പിച്ചു പറയുന്നതിനൊപ്പം, വിളിവിവേചനം ഒരു മത്സരം അല്ല, മറിച്ച് ഒരു യാത്രയാണെന്ന സന്ദേശവും പങ്കുവെച്ചു. അമേരിക്കയിലെ വിവിധ ഭാഗങ്ങളില് നിന്ന് നേരിട്ട് എത്തിയതും വീഡിയോ സന്ദേശങ്ങള് അയച്ചതുമായ സെമിനാര് സ്പീക്കര്മാരുടെ സാന്നിധ്യം ഈ സെഷനെ കൂടുതല് സമ്പന്നമാക്കി. തുടര്ന്ന്, ഒളിമ്പിക്സ് ശൈലിയിലുള്ള രസകരമായ ഗെയിമുകള് ആവേശവും ആരോഗ്യകരമായ മത്സരാത്മകതയും നിറച്ചു. ശേഷം, ഡൗണ്ടൗണ് മോണ്ട്രിയാലില് നടന്ന അവസാന സോഷ്യല് ഗെതറിംഗോടെ പരിപാടി സമാപിച്ചു. പരിപാടിയുടെ വിജയത്തിനുപിന്നില് ശക്തമായ പിന്തുണാ ശൃംഖലയുണ്ടായിരുന്നു. സ്പോണ്സര്മാര്ക്ക് അവരുടെ ഉദാരമായ പിന്തുണയ്ക്കും, ബസ്സിംഗ്, ഫോട്ടോഗ്രഫി, AV സപ്പോര്ട്ട്, വേദി സൗകര്യങ്ങള് എന്നിവ ഉള്പ്പെടെയുള്ള എല്ലാ പങ്കാളികള്ക്കും വെന്ഡര്മാര്ക്കും സംഘാടകര് ഹൃദയം നിറഞ്ഞ നന്ദി രേഖപ്പെടുത്തി.
എന്നാല് പദ്ധതിപൂര്വ്വമായ പരിപാടികള്ക്കപ്പുറം ഏറ്റവും ശ്രദ്ധേയമായത് ഇടയ്ക്കിടെയുള്ള ചെറിയ നിമിഷങ്ങളായിരുന്നു – ബസ് യാത്രകളിലെ സംഭാഷണങ്ങള്, ഒരുമിച്ചുള്ള ഭക്ഷണങ്ങള്, നഗരത്തിലെ ശാന്തമായ നടപ്പുകള്, കരോക്കെ രാത്രി, നൈറ്റ് ഔട്ട് തുടങ്ങിയവ. ഈ ലളിതവും അസംഘടിതവുമായ നിമിഷങ്ങളാണ് കൂടുതല് ആഴമുള്ള ബന്ധങ്ങളുടെ അടിത്തറയായി മാറിയത്. അര്ത്ഥവത്തായ ഒരു സമൂഹം കൃത്രിമമായി സൃഷ്ടിക്കേണ്ടതില്ല; ആളുകള് സാന്നിധ്യമുറപ്പിച്ച്, മനസ്സ് തുറന്ന്, ബന്ധപ്പെടാന് തയ്യാറാകുമ്പോള് അത് സ്വാഭാവികമായി രൂപപ്പെടുന്നു എന്ന ഓര്മ്മപ്പെടുത്തലായിരുന്നു ഈ വീക്കെന്ഡ്. പങ്കെടുത്തവര് വീടുകളിലേക്ക് മടങ്ങുമ്പോള്, ഇത് ഒരു സാധാരണ വാരാന്ത്യം മാത്രമല്ല, ദീര്ഘകാല സൗഹൃദങ്ങളുടെയും മോണ്ട്രിയാലിനെ അതിരുവിട്ട് വളരുന്ന ഒരു സമൂഹത്തിന്റെയും തുടക്കമാണെന്ന ബോധം എല്ലാവര്ക്കുമുണ്ടായിരുന്നു. ഈ സ്വപ്നം യാഥാര്ത്ഥ്യമാക്കാന് 9 മാസത്തിലേറെയായി പ്രവര്ത്തിച്ച സംഘത്തിന് പ്രത്യേക നന്ദി: Jessica Malika (New Jersey) Chris Kattapuram (Chicago) Maria Kaitharam (Canada) Ashley Mattapalikunnel (Los Angeles) Justin Kuply (New Jersey) Anu Kuply (New Jersey) Arathy Karakkatt (San Antonio) Tojo Malayil (Houston) Christeena Jojo (Chicago) Pradeep Charath (Montreal)
മറിയ കൈതാരം
