കോട്ടയം: കോട്ടയം അതിരൂപതയുടെ സാമൂഹ്യ സേവന വിഭാഗമായ കോട്ടയം സോഷ്യല് സര്വ്വീസ് സെസൈറ്റി ഭാരത കത്തോലിക്ക മെത്രാന് സമിതിയുടെ സാമൂഹ്യ സേവന വിഭാഗമായ കാരിത്താസ് ഇന്ഡ്യയുടെ സഹകരണത്തോടെ വിഭാവനം ചെയ്ത് നടപ്പിലാക്കുന്ന പ്രളയ ദുരിത്വാശ്വാസ പ്രവര്ത്തനങ്ങളുടെ ഭാഗമായി ഭക്ഷ്യകിറ്റുകള് ലഭ്യമാക്കി. തെള്ളകം ചൈതന്യയില് സംഘടിപ്പിച്ച ചടങ്ങില് ഭക്ഷ്യകിറ്റുകളുടെ വിതരണോദ്ഘാടനം ഏറ്റുമാനൂര് എം.എല്.എ നാട്ടകം സുരേഷ് നിര്വ്വഹിച്ചു. സമൂഹത്തില് പ്രതിസന്ധികള് ഉണ്ടാകുമ്പോള് സാമൂഹ്യ പ്രതിബദ്ധതയോടെ ഇടപെടുന്ന കോട്ടയം സോഷ്യല് സര്വ്വീസ് സൊസൈറ്റിയുടെ പ്രവര്ത്തനങ്ങള് മാതൃകാപരമാണെന്ന് അദ്ദേഹം ഉദ്ഘാടന പ്രസംഗത്തില് പറഞ്ഞു. കോട്ടയം സോഷ്യല് സര്വ്വീസ് സൊസൈറ്റി എക്സിക്യൂട്ടീവ് ഡയറക്ടര് ഫാ. സുനില് പെരുമാനൂര് ചടങ്ങില് അദ്ധ്യക്ഷത വഹിച്ചു. കെ.എസ്.എസ്.എസ് പ്രോഗ്രാം ഓഫീസര് സിജോ തോമസ്, കോര്ഡിനേറ്റര് നക്ഷത്ര എന്. നായര്, മലങ്കര മേഖല കോര്ഡിനേറ്റര് ആനി തോമസ് എന്നിവര് പരിപാടികള്ക്ക് നേതൃത്വം നല്കി. അരി, പഞ്ചസാര, തേയില, അവല്, മുളക് പൊടി, മല്ലി പൊടി, ഗോതമ്പ് പൊടി, റവ, പുട്ട് പൊടി, ഉപ്പ്, കടുക് എന്നിവ ഉള്പ്പെടുന്ന ഭക്ഷ്യ കിറ്റുകളാണ് തെരഞ്ഞെടുക്കപ്പെട്ട ഗുണഭോക്താക്കള്ക്ക് ലഭ്യമാക്കിയത്. കോട്ടയം, ആലപ്പുഴ ജില്ലകളില് നിന്നായുള്ള 100 പ്രളയ ബാധിത കുടുംബങ്ങള്ക്കാണ് കെ.എസ്.എസ്.എസിന്റെ നേതൃത്വത്തില് ഭക്ഷ്യകിറ്റകുള് വിതരണം ചെയ്തത്.
പ്രളയ ദുരിതാശ്വാസം ഭക്ഷ്യകിറ്റുകള് ലഭ്യമാക്കി
