ചിക്കാഗോ: തിരുഹൃദയ ക്നാനായ കത്തോലിക്ക ഫൊറോന ഇടവകദൈവാലയത്തില് മാതാവിന്റെ വിമലഹൃദയ പ്രതിഷ്ഠ നടത്തി അമലോത്ഭവതിരുനാള് ഭക്തിപൂര്വ്വം ആഘോഷിച്ചു. നവംബര് 5 മുതല് പുരുഷന്മാരും സ്ത്രീകളും കൊച്ചുകുട്ടികളും 33 ദിവസത്തെ തീക്ഷ്ണമായ പ്രാര്ത്ഥനയിലൂടെ ഡിസംബര് 8 ന് അമലോത്ഭവതിരുനാള് ദിനം വിമലഹൃദയ പ്രതിഷ്ഠ എത്തിയാക്കി. തിരുനാള് പ്രസുദേന്തിമാരുടെ പ്രദക്ഷിണത്തോടെ തിരുനാള് തിരുകര്മ്മങ്ങള് നടത്തപ്പെട്ടു. മാതാവിന്റെ രൂപം മനോഹരമായി അലങ്കരിക്കുകയും പ്രത്യേകം നേര്ച്ചകാഴ്ചകള് സമര്പ്പിക്കുകയും ചെയ്തു.തിരുകര്മ്മങ്ങളില് പങ്കെടുത്ത എല്ലാര്ക്കും വിമലഹൃദയ പ്രതിഷ്ഠ നടത്തപെട്ട ഏവരുടെയും നേതൃത്വത്തില് സ്നേഹവിരുന്നും നടത്തപ്പെട്ടു.