കരിങ്കുന്നം: കരിങ്കുന്നം സെന്റ് അഗസ്റ്റിന്‍സ് ഹയര്‍ സെക്കന്‍ഡറി സ്‌കൂള്‍ ആതിഥേയത്വം വഹിക്കുന്ന, കോട്ടയം അതിരൂപതതല ബിഷപ്പ് അലക്‌സാണ്ടര്‍ ചൂളപ്പറമ്പില്‍ മെമ്മോറിയല്‍ ഫുട്‌ബോള്‍ ടൂര്‍ണമെന്റിന്റെയും വടംവലി ടൂര്‍ണമെന്റിന്റെയും സംഘാടക സമിതി രൂപീകരണം നടത്തി.
സ്‌കൂള്‍ മാനേജര്‍ ഫാ. ജയിംസ് വടക്കേകണ്ടങ്കരി അധ്യക്ഷത വഹിച്ച സമ്മേളനത്തില്‍ കരിങ്കുന്നം ഗ്രാമപഞ്ചായത്ത് പ്രസിഡന്റ് ശ്രീ കെ കെ തോമസ്, പിടിഎ പ്രസിഡന്റ് ശ്രീ ജോസ് കളരിക്കല്‍, പ്രിന്‍സിപ്പല്‍ ശ്രീ ഒ. എ. അബ്രഹാം, ഹെഡ്മാസ്റ്റര്‍ ശ്രീ ബിനുമോന്‍ ജോസഫ് എന്നിവര്‍ സംസാരിച്ചു.
കരിങ്കുന്നം പോലീസ് സ്റ്റേഷന്‍ എസ് ഐ ശ്രീ വാസുദേവന്‍, എം പി ടി എ പ്രസിഡന്റ് ശ്രീമതി മേരി ജെന്‍സി, പൗരപ്രമുഖര്‍, ജനപ്രതിനിധികള്‍, അധ്യാപക- രക്ഷകര്‍തൃസമിതി പ്രതിനിധികള്‍, അധ്യാപകര്‍ തുടങ്ങിയവര്‍ യോഗത്തില്‍ സന്നിഹിതരായിരുന്നു.
ബി സി എം ടൂര്‍ണമെന്റ് നടത്തിപ്പുമായി ബന്ധപ്പെട്ട് വിവിധ കമ്മറ്റികള്‍ രൂപീകരിക്കുകയും പ്രാരംഭ പ്രവര്‍ത്തനങ്ങള്‍ ആരംഭിക്കുകയും ചെയ്തു.
കോട്ടയം അതിരൂപതയിലെ എല്ലാ സ്‌കൂളുകളെയും പങ്കെടുപ്പിച്ചു നടത്തുന്ന ഈ ടൂര്‍ണമെന്റ് 2025 ജനുവരി എട്ടു മുതല്‍ 12 വരെയാണ് കരിങ്കുന്നം സ്‌കൂളില്‍ വച്ച് നടത്തപ്പെടുന്നത്.
