മണക്കാട് ഇടവക അംഗവും ഡോണ്‍ബോസ്‌കോ സഭ സമൂഹ അംഗവുമായ
ഫാ. ജോസഫ് പുത്തന്‍പുരയ്ക്കല്‍ന്റെ പൗരോഹിത്യ സുവര്‍ണ്ണ ജൂബിലി ആഘോഷങ്ങള്‍ മണക്കാട് ഇടവകയില്‍ വെച്ച് നടത്തപ്പെട്ടു.സെപ്റ്റംബര്‍ 26 തീയതി ഫാ. ജോസഫ് പുത്തന്‍പുരയ്ക്കല്‍ അച്ഛന്റെ മുഖ്യ കാര്‍മിത്വത്തില്‍ കൃതജ്ഞത ബലി അര്‍പ്പിച്ച് സുവര്‍ണ്ണ ജൂബിലി ആഘോഷങ്ങള്‍ക്ക് തുടക്കം കുറിച്ചു. ഭാരതത്തിലെ മിഷന്‍ പ്രദേശങ്ങളായ ആസാം, മേഘാലയ സംസ്ഥാനങ്ങളില്‍ ഒരു അധ്യാപകനായും സാമൂഹിക പ്രവര്‍ത്തകനായും ജനങ്ങളുടെയും യുവജനങ്ങളുടെയും ഉന്നമനത്തിനായി പ്രവര്‍ത്തിച്ചുവരുന്നു.
തുടര്‍ന്ന് ഇടവകയുടെ സമുദായ സംഘടനകളായ KCC, KCWA, KCYL സംഘടനകള്‍ ചേര്‍ന്ന് പുരാതന പാട്ടുകളുടെ അകമ്പടിയോടെ അച്ഛനെ സ്വീകരിച്ചു. കെ. സി. വൈ. എല്‍ മണക്കാട് യൂണിറ്റിന്റെ സ്‌നേഹോപഹാരം നല്‍കുകയും, സുവര്‍ണ്ണ ജൂബിലിയുടെ കാര്‍ഡ് വിതരണം ചെയ്യുകയും ചെയ്തു.യൂണിറ്റ് ചാപ്ലിയന്‍ ഫാ. ദിപു ഇറപുറത്ത്, ചുങ്കം ഫൊറോന ഡയറക്ടര്‍ സാന്റി കുന്നംചിറ എന്നിവര്‍ സംസാരിച്ചു.യൂണിറ്റ് ഡയറക്ടര്‍ ദീപു കൂട്ടുമലയില്‍, സിസ്റ്റര്‍ അഡൈ്വസര്‍ റോജിന്‍ SJC, ലേഡി അഡൈ്വസര്‍ ഷീജ വെള്ളാമറ്റത്തില്‍, യൂണിറ്റ് സെക്രട്ടറി അല്‍നമോള്‍ വെള്ളാമറ്റത്തില്‍ എന്നിവര്‍ നേതൃത്വം നല്‍കി.
