ചിക്കാഗോ: ബെന്‍സന്‍വില്‍ തിരുഹൃദയ ക്‌നാനായ കത്തോലിക്കാ ഫൊറോനാ ദൈവാലയത്തില്‍ ആഘോഷമായ തിരുഹൃദയ വണക്കമാസ സമാപനം നടത്തപ്പെടുന്നു. ജൂണ്‍ 30 ഞായര്‍ രാവിലെ 9.30 ന് തീരുഹൃദയ ഗ്രോട്ടോയില്‍ തിരുഹൃദയ കൊന്തയും തുടര്‍ന്ന് പ്രദക്ഷിണമായി ദൈവാലയത്തില്‍ എത്തി തീരുഹൃദയ പ്രതിഷ്ഠയും നടത്തപ്പെടും. തുടര്‍ന്ന് വി. കുര്‍ബ്ബാനയും നേര്‍ച്ച വിതരണവും നടക്കും. ഈശോയുടെ തിരുഹൃദയത്തിന് പ്രത്യേകമായി പ്രതിഷ്ഠിക്കപ്പെട്ട ഇടവക എന്ന നിലയില്‍ ഇടവകജനങ്ങള്‍ഒന്നാകെ ഒരു മാസമായി പ്രാര്‍ത്ഥിച്ച് ഒരുങ്ങി ഈ ജൂണ്‍ മാസം പ്രത്യേകം കൊണ്ടാടി. വികാരി ഫാ. തോമസ് മുളവനാല്‍, അസി. വികാരി ഫാ. ബിന്‍സ് ചേത്തലില്‍, ട്രസ്റ്റിമാരായ തോമസ് നെടുവാമ്പുഴ, സാബു മുത്തോലം, മത്തിയാസ് പുല്ലാപ്പള്ളി, കിഷോര്‍ കണ്ണാല, ജെന്‍സണ്‍ ഐക്കരപ്പറമ്പില്‍ എന്നിവര്‍ എന്നിവര്‍ ക്രമീകരണങ്ങള്‍ക്ക് നേതൃത്വം നല്‍കും.
ലിന്‍സ് താന്നിച്ചുവട്ടില്‍ PRO
