മടമ്പം : മടമ്പം പികെഎം കോളേജ് ഓഫ് എഡ്യൂക്കേഷനിലെ ഇംഗ്ലീഷ് അസോസിയേറ്റ് പ്രൊഫസര്‍ ഡോ. രേഖ കെ ആറിനും ലൈബ്രറി അസിസ്റ്റന്റ് സല്‍ഗമ്മ കെ ജോസഫിനുമുള്ള യാത്രയയപ്പ് ചടങ്ങ് പികെഎം കോളേജില്‍ വച്ച് നടത്തി. 1997ല്‍ സര്‍വീസില്‍ പ്രവേശിച്ച ഇരുവരുടെയും നീണ്ട 27 വര്‍ഷത്തെ സേവനത്തെ ചാരിതാര്‍ത്ഥ്യത്തോടെ ഓര്‍ത്തുകൊണ്ട് പരിപാടിക്ക് കോളേജ് പ്രിന്‍സിപ്പല്‍ ഡോ ജെസ്സി എന്‍. സി സ്വാഗതം പറഞ്ഞു. ലോക്കല്‍ മാനേജര്‍ ഫാ. ഫിലിപ്പ് രാമച്ചനാട്ട് യോഗത്തിന് അധ്യക്ഷത വഹിച്ചു. കോളേജ് പ്രൊ മാനേജര്‍ ഫാ. ജോയ് കട്ടിയാങ്കല്‍ ചടങ്ങ് ഉദ്ഘാടനം ചെയ്തുകൊണ്ട് സംസാരിച്ചു. തുടര്‍ന്ന് ഇരുവര്‍ക്കും മൊമെന്റോയും ഗോള്‍ഡ് കോയിനും സ്‌നേഹോപകാരമായി നല്‍കി.
റിട്ടേര്‍ഡ് ലൈബ്രേറിയന്‍ ജോണ്‍ പി ടി, പിടിഎ പ്രസിഡന്റ് സണ്ണി സി. ഇ, അലുമിനി പ്രസിഡന്റ് നിധിന്‍ നങ്ങോത്ത്,വൈസ് പ്രിന്‍സിപ്പല്‍ ഡോ.പ്രശാന്ത് മാത്യു, ലൈബ്രേറിയന്‍ ദീപ ജോണ്‍, കോളേജ് യൂണിയന്‍ ചെയര്‍പേഴ്‌സണ്‍ അനിറ്റ ബിജു എന്നിവര്‍ യോഗത്തിന് ആശംസ അറിയിച്ചു. ഔദ്യോഗിക ജീവിതത്തില്‍ നിന്നും വിരമിക്കുന്ന രേഖ കെ. ആര്‍, സല്‍ഗമ്മ എന്നിവര്‍ മറുപടി പ്രസംഗം നടത്തി.സ്റ്റാഫ് അസോസിയേഷന്‍ സെക്രട്ടറി ജോമോള്‍ ജോസ് നന്ദി പറഞ്ഞ പരിപാടി 1. 30ന് അവസാനിച്ചു.
