പൂന: മലങ്കര കത്തോലിക്ക സഭ പൂന-കട്കി സെന്റ് എഫ്രേം ഭദ്രാസന മെത്രാനായി റമ്പാന്‍ മത്തായി കടവില്‍ ഡോ. മാത്യൂസ് മാര്‍ പക്കോമിയോസ് എന്ന പേരില്‍ അഭിഷിക്തനായി. പൂന കൊപ്പോളി കാലാപൂര്‍ മൗണ്ട് മാര്‍ ഇവാനിയോസില്‍ നടന്ന പ്രാര്‍ത്ഥനാനിര്‍ഭരമായ ചടങ്ങില്‍ മലങ്കര കത്തോലിക്ക സഭ മേജര്‍ ആര്‍ച്ച്ബിഷപ് കര്‍ദ്ദിനാള്‍ മാര്‍ ബസേയലിയോസ് ക്ലീമിസ് കാത്തോലിക്ക ബാവാ മുഖ്യകാര്‍മികത്വം വഹിച്ചു. കര്‍ദ്ദിനാള്‍ ഓസ്വാള്‍ഡ് ഗ്രേഷ്യസ് വചന സന്ദേശം നല്‍കി. ഇന്ത്യയിലെ അപ്പസ്‌തോലിക് നൂണ്‍ഷ്യോ ലെയോപോള്‍ദോ ജെറേല്ലി അനുമോദന പ്രസംഗം നടത്തി. ആര്‍ച്ച്ബിഷപ് തോമസ് മാര്‍ കുറിലോസ്, തോമസ് മാര്‍ അന്തോണിയോസ്, ജോഷ്വാ മാര്‍ ഇഗ്നാത്തിയോസ്, ഏബ്രഹാം മാര്‍ യൂലിയോസ്, ജോസഫ് മാര്‍ തോമസ്, ഫിലിപ്പോസ് മാര്‍ സ്‌തെഫാനോസ്, സാമുവല്‍ മാര്‍ ഐറേനിയോസ്, വിന്‍സെന്റ് മാര്‍ പൗലോസ്, ഗീവര്‍ഗീസ് മാര്‍ മക്കാറിയോസ്, യൂഹാനോന്‍ മാര്‍ തിയോഡേഷ്യസ്, ആന്റണി മാര്‍ സില്‍വാനോസ്, മാത്യൂസ് മാര്‍ പോളികാര്‍പ്പസ്, ബഥനി സുപ്പീരിയര്‍ ജനറല്‍ റവ. ഡോ. ഗീവര്‍ഗീസ് കുറ്റിയില്‍ എന്നിവര്‍ സഹകാര്‍മ്മികരായിരുന്നു.
ആര്‍ച്ച്ബിഷപ് ഫെലിക്‌സ് മച്ചാഡോ, കോട്ടയം അതിരൂപത സഹായമെത്രാന്‍ ഗീവര്‍ഗീസ് മാര്‍ അപ്രേം, ഗീവര്‍ഗീസ് മാര്‍ കുറിലോസ്, മാര്‍ ജോസ് ചിറ്റൂപ്പറമ്പില്‍, ബിഷപ് ജോണ്‍ റോഡ്രിക്‌സ്, മാര്‍ തോമസ് ഇലവനാല്‍, ബിഷപ് മാല്‍ക്കം സെക്വേരെ, മാര്‍ ടോണി നീലങ്കാവില്‍, മാര്‍ തോമസ് പാടിയത്ത് എന്നിവര്‍ സന്നിഹിതരായിരുന്നു.
