തിരുവനന്തപുരം : തിരുവനന്തപുരം സെന്റ് പയസ് ടെന്‍ത് ഇടവകയിലെ ക്‌നാനായ കത്തോലിക്ക കോണ്‍ഗ്രസ് യൂണിറ്റിന്റെ ആഭിമുഖ്യത്തില്‍ ‘വഴികാട്ടി’ എന്ന പേരില്‍ ഒരു സന്നദ്ധ സംഘടനയ്ക്ക് രൂപം നല്‍കി. KCC യൂണിറ്റ് ജനറല്‍ ബോഡിയോടനുബന്ധിച്ച് നടന്ന യോഗത്തില്‍, ഇടവക വികാരിയും യൂണിറ്റ് ചാപ്ലെയിനുമായ ഫാ.മിഥുന്‍ വലിയ പുളിഞ്ചാക്കില്‍ ഔദ്യോഗിക ഉദ്ഘാടനം നിര്‍വഹിച്ചു. യൂണിറ്റ് പ്രസിഡന്റ് പ്രിബിന്‍ കിഴക്കേയില്‍ അദ്ധ്യക്ഷത വഹിച്ചു. സെക്രട്ടറി ജോബി ഇടത്തില്‍ സ്വാഗതവും, ജോയിന്റ് സെക്രട്ടറി സൈമണ്‍ ചാമക്കാലായില്‍ കൃതജ്ഞയും അര്‍പ്പിച്ചു.
‘വഴികാട്ടി’ ചീഫ് കോര്‍ഡിനേറ്റര്‍ എബ്രഹാം രണ്ടാംകാട്ടില്‍ പദ്ധതിയുടെ പ്രവര്‍ത്തന രൂപരേഖ അവതരിപ്പിച്ചു.കോട്ടയം ക്‌നാനായ അതിരൂപതയിലെ ഇടവകകളില്‍നിന്നും കേരളത്തിന്റെ തലസ്ഥാന നഗരിയായ തിരുവനന്തപുരത്ത് ചികിത്സാ -വിദ്യാഭ്യാസ- തൊഴില്‍-സര്‍ക്കാര്‍ – രജിസ്‌ട്രേഷന്‍ മുതലായ ആവശ്യങ്ങള്‍ക്കായി എത്തുന്നവര്‍ക്ക് വേണ്ട മാര്‍ഗനിര്‍ദേശങ്ങളും മറ്റു സഹായങ്ങളും ചെയ്തു കൊടുക്കാന്‍ ഈ സന്നദ്ധ സംഘടന തയ്യാറാണ്.
മേല്‍പറഞ്ഞ സഹായങ്ങള്‍ ആവശ്യമുള്ളവര്‍ ഇടവക വികാരി / KCC യൂണിറ്റ് ഭാരവാഹികളുടെയോ ശുപാര്‍ശ കത്ത് കൊണ്ടുവരുന്നത് മുന്‍ഗണനാര്‍ഹമാണ്. കൂടുതല്‍ വിവരങ്ങള്‍ക്ക് താഴെ പറയുന്നവരുമായി ബന്ധപ്പെടുക.
1. ഫാ. മിഥുന്‍ വലിയ പുളിഞ്ചാക്കില്‍ (വികാരി), 9746847880 / 7306273017
2. RT എബ്രഹാം രണ്ടാംകാട്ടില്‍ ( ചീഫ് കോര്‍ഡിനേറ്റര്‍)
9446405436
3. EM തോമസ് തോണിക്കുഴിയില്‍ (കോര്‍ഡിനേറ്റര്‍)
9447220082
Mail: vazhikattitvpm@gmail.com.
