കോതനല്ലൂര്‍: അതിരൂപത വിശ്വാസപരിശീലന കമ്മീഷന്റെ നേതൃത്വത്തില്‍ കടുത്തുരുത്തി, കൈപ്പുഴ, ഉഴവൂര്‍, പിറവം, മലങ്കര ഫൊറോനകളിലെ 12-ാം ക്ലാസ്സില്‍ വിശ്വാസപരിശീലനം നടത്തുന്ന കുട്ടികള്‍ക്കായി സീലോഹ കോഴ്‌സ് കോതനല്ലൂര്‍ തൂവാനിസ പ്രാര്‍ത്ഥനാലയത്തില്‍വച്ച് നടത്തപ്പെട്ടു. കെ.സി.വൈ.എല്‍ അതിരൂപത ചാപ്ലയിന്‍ ഫാ. ടിനേഷ് പിണര്‍ക്കയില്‍ ഉദ്ഘാടനം ചെയ്തു. തലശ്ശേരി അതിരൂപത വിശ്വാസപരിശീലന കമ്മീഷനംഗം ജോബി ജോണ്‍, ഉഴവൂര്‍ സെന്റ് സ്റ്റീഫന്‍സ് കോളേജ് ബര്‍സാര്‍ ഫാ. ജിന്‍സ് നെല്ലിക്കാട്ടില്‍, അതിരൂപത ദൈവവിളി കമ്മീഷന്‍ ചെയര്‍മാന്‍ ഫാ. സജി കൊച്ചുപറമ്പില്‍ എന്നിവര്‍ ക്ലാസ്സുകള്‍ക്ക് നേതൃത്വം നല്‍കി. കടുത്തുരുത്തി, കൈപ്പുഴ, ഉഴവൂര്‍, പിറവം, മലങ്കര ഫൊറോനകളില്‍നിന്നായി 400 കുട്ടികള്‍ പങ്കെടുത്തു.
