കോഴിക്കോട്: ചേവരമ്പലം സെന്റ് മേരീസ് ഇംഗ്ലീഷ് മീഡിയം സ്‌ക്കൂളില്‍ വര്‍ഷം തോറും നടത്താറുള്ള ഫാ. തോമസ് പൂതത്തില്‍ തൊമ്മിയച്ഛന്‍ മെമ്മോറിയല്‍ ഇന്റര്‍ സ്‌കൂള്‍ ക്വിസ് മത്സരങ്ങള്‍ (മരിയന്‍ മൈന്റ് സ്പാര്‍ക്ക്, സീസണ്‍ 5 )സ്‌കൂള്‍ ഓഡിറ്റോറിയത്തില്‍ വച്ച് നടത്തി എല്‍.പി, യു.പി, ഹൈസ്‌ക്കൂള്‍ വിഭാഗങ്ങളിലായി കോഴിക്കോട് ജില്ലയുടെ വിവിധ മേഖലയിലുള്ള സ്‌ക്കൂളുകള്‍ ശക്തമായ മത്സരമായിരുന്നു കാഴ്ചവെച്ചത്. എല്‍.പി വിഭാഗത്തില്‍ വെനേര്‍നി ഇ.എം. സ്‌കൂള്‍ അഴിഞ്ഞിലം ക്രിസ്തുരാജ എല്‍.പി സ്‌കൂള്‍ മലാപ്പറമ്പ എന്നിവര്‍ ഒന്നും രണ്ടും സ്ഥാനങ്ങള്‍ നേടി
യു പി വിഭാഗത്തില്‍ യഥാക്രമം G. H. S. S മെഡിക്കല്‍ കോളേജ്, G. M. U. P. S അത്തോളി എന്നിവര്‍ ഒന്നും രണ്ടും സ്ഥാനങ്ങള്‍ നേടി ഹൈസ്‌ക്കൂള്‍ വിഭാഗത്തില്‍ ലിറ്റില്‍ ഫ്‌ലവര്‍ ജംഗ്ലിഷ് മീഡിയം സ്‌ക്കൂള്‍ ചെലവൂര്‍, ഒന്നാം സ്ഥാനവും തിരുവങ്ങൂര്‍ H. S. S തിരുവങ്ങൂര്‍ രണ്ടാം സ്ഥാനവും കരസ്ഥമാക്കി.
സെന്റ് ജോസഫ് സമൂഹം ജനറല്‍ കൗണ്‍സിലര്‍ സി.ടിജി മത്സരം ഉദ്ഘടനം ചെയ്തു. പ്രിന്‍സിപ്പല്‍ സി. ആനീസ്, ഹൈസ്‌ക്കൂള്‍ എച്ച്.എം സി. ഫ്‌ലാവിയ, കോര്‍ഡിനേറ്റര്‍ രാധാ സലൂജ എന്നിവര്‍ സംസാരിച്ചു . ജോസ്, ഉണ്ണികൃഷ്ണന്‍ എന്നിവരായിരുന്നു ക്വിസ് മാസ്റ്റര്‍മാരായി എത്തിയത്
