തടിയമ്പാട്, മാനന്തവാടി: അതിരൂപത വിശ്വാസപരിശീലന കമ്മീഷന്റെ നേതൃത്വത്തില്‍ പടമുഖം, പെരിക്കല്ലൂര്‍ ഫൊറോനകളിലെ 12-ാം ക്ലാസ്സില്‍ വിശ്വാസപരിശീലനം നടത്തുന്ന കുട്ടികള്‍ക്കായി സീലോഹ കോഴ്‌സ് തടിയമ്പാട് ഫാത്തിമ മാതാ ദൈവാലയത്തിലും മാനന്തവാടി പാവന പാസ്റ്ററല്‍ സെന്ററിലുമായി നടത്തപ്പെട്ടു. പടമുഖം ഫൊറോന സീലോഹ കോഴ്‌സ് ഫാ. സ്റ്റിജോ തേക്കുംകാട്ടിലും പെരിക്കല്ലൂര്‍ ഫൊറോന സീലോഹ കോഴ്‌സ് ഫാ. റിന്‍ഷോ കട്ടേലും ഉദ്ഘാടനം ചെയ്തു. ജോബി മൂലയില്‍, സി. ജോയല്‍ എസ്.ജെ.സി, സി. ഹൃദ്യ എസ്.ജെ.സി, ഫാ. ജിന്‍സ് നെല്ലിക്കാട്ടില്‍, ഫാ. സജി കൊച്ചുപറമ്പില്‍ തുടങ്ങിയവര്‍ വിവിധ വിഷയങ്ങളെക്കുറിച്ച് കാസ്സ് നയിച്ചു.
