ചിക്കാഗോ: ബെന്‍സന്‍വില്‍ തിരുഹൃദയ ക്നാനായ കത്തോലിക്കാ ഇടവക ഹാളില്‍
യുവജനങ്ങള്‍ക്കായ് ക്രിസ്തുമസ് കൂട്ടായ്മ സംഘടിപ്പിച്ചു. യൂത്ത് മിനിസ്ട്രിയുടെ നേതൃത്വത്തില്‍ ചിക്കാഗോ സെന്റ് മേരീസ്, സേക്രഡ് ഹാര്‍ട്ട് ഇടവകകളിലെ 18 നും 40 നും മദ്ധ്യേ പ്രായമായ യുവജനങ്ങളെയും യങ് കപ്പിള്‍സിനെയും ഉദ്ദേശിച്ചാണ് ‘ മെറി ഫ്രണ്ട്‌സ് ‘ കൂട്ടായ്മ സംഘടിപ്പിച്ചത്.ഡിസംബര്‍ 21 ശനിയാഴ്ച ഉച്ചയ്ക്ക് 12 മുതല്‍ 3 മണി വരെ വിപുലമാല പരിപാടികള്‍ വിവിധ കമ്മിറ്റികളുടെ നേതൃത്വത്തില്‍ ഒരുക്കിയിരുന്നു. ജെന്‍സന്‍ ഐക്കരപറമ്പില്‍, മെലിന്റ നെല്ലിക്കാട്ടില്‍, ഷെറില്‍ താന്നിക്കുഴിപ്പില്‍ എന്നിവര്‍ സംഗമം കോര്‍ഡിനേറ്റ് ചെയ്തു. പങ്കെടുത്തവര്‍ക്കായി പ്രത്യേകം മത്സരങ്ങളും ചര്‍ച്ചകളും സ്‌നേഹവിരുന്നും ക്രമീകരിച്ചു.
ലിന്‍സ് താന്നിച്ചുവട്ടില്‍ PRO
