മറ്റക്കര: വിന്‍സെന്റ് ഡി പോള്‍ മറ്റക്കര സെന്റ് ജോര്‍ജ് കോണ്‍ഫ്രന്‍സിന്റെ 40-ാം വാര്‍ഷികം (റൂബി ജൂബിലി) ആഘോഷിച്ചു. വിശുദ്ധ കുര്‍ബാനയെ തുടര്‍ന്ന് കിടങ്ങൂര്‍ എ. സി അദ്ധ്യക്ഷന്‍ ജോസ് വേങ്ങക്കലിന്റെ അദ്ധ്യക്ഷതയില്‍ കൂടിയ സമ്മേളനത്തില്‍ ഡോ. ബാബു കോച്ചാംകുന്നേല്‍ സ്വാഗതം പറഞ്ഞു. വികാരി ഫാ. സിറിയക്ക് മറ്റത്തില്‍ അനുഗ്രഹ പ്രഭാഷണം നടത്തി. കോട്ടയം സി.സി പ്രസിഡന്റ് ടോം നന്ദികുന്നേല്‍ മുഖ്യപ്രഭാഷണം നടത്തി. സെക്രട്ടറി ജോസിമോന്‍ കളപ്പുര പ്രവര്‍ത്തന റിപ്പോര്‍ട്ട് അവതരിപ്പിച്ചു. ജോസ് മാവേലില്‍, ജോസ് നെല്ലാനിക്കോട്ട് എന്നിവര്‍ ക്ലാസ് നയിച്ചു. എ. സി. വൈസ് പ്രസിഡന്റ് ത്രേസ്യാമ്മ ചേത്തലില്‍ നന്ദി പറഞ്ഞു. യോഗത്തില്‍ പത്താം ക്ലാസിലും പ്ലസ് ടു വിലും ഉന്നത വിജയം നേടിയ വിദ്യാര്‍ത്ഥികള്‍ക്ക് കെ.സി. ഫിലിപ്പ് കോച്ചാംകുന്നേല്‍ മെമ്മോറിയല്‍ മെമന്റോയും കാഷ് അവാര്‍ഡും നല്‍കി. മെല്‍ബിന്‍ സംഗീതത്തിന് നേതൃത്വം നല്‍കി.
