ചേര്‍പ്പുങ്കല്‍: അതിരൂപത വിശ്വാസപരിശീലന കമ്മീഷന്റെ നേതൃത്വത്തില്‍ ഇടയ്ക്കാട്ട്, കിടങ്ങൂര്‍, ചുങ്കം ഫൊറോനകളിലെ 12-ാം ക്ലാസ്സില്‍ വിശ്വാസപരിശീലനം നടത്തുന്ന കുട്ടികള്‍ക്കായി സീലോഹ കോഴ്‌സ് ചേര്‍പ്പുങ്കല്‍ ഗുഡ് സമരിറ്റന്‍ സെന്ററില്‍വച്ച് നടത്തപ്പെട്ടു. ചെറുപുഷ്പ മിഷന്‍ലീഗ് അതിരൂപത ഡയറക്ടര്‍ ഫാ. ഷെറിന്‍ കുരിക്കിലേട്ട് ഉദ്ഘാടനം ചെയ്തു. തലശ്ശേരി അതിരൂപത വിശ്വാസപരിശീലന കമ്മീഷനംഗം ജോബി ജോണ്‍, ഉഴവൂര്‍ സെന്റ് സ്റ്റീഫന്‍സ് കോളേജ് ബര്‍സാര്‍ ഫാ. ജിന്‍സ് നെല്ലിക്കാട്ടില്‍, അതിരൂപത ദൈവവിളി കമ്മീഷന്‍ ചെയര്‍മാന്‍ ഫാ. സജി കൊച്ചുപറമ്പില്‍ എന്നിവര്‍ ക്ലാസ്സുകള്‍ക്ക് നേതൃത്വം നല്‍കി. ഇടയ്ക്കാട്ട്, കിടങ്ങൂര്‍, ചുങ്കം ഫൊറോനകളില്‍നിന്നായി 290 കുട്ടികള്‍ പങ്കെടുത്തു.
സീലോഹ കോഴ്‌സ് നടത്തപ്പെട്ടു
