കൊട്ടൂര്‍വയല്‍: കൊട്ടുര്‍വയലില്‍ കെ.സി.വൈ.എല്‍ നേതൃത്വത്തില്‍ യുവജനദിനാേഘാഷം നടത്തി. വി. കുര്‍ബാനയ്ക്ക്് ശേഷം പതാക ഉയര്‍ത്തലും മധുരപലഹാര വിതരണമുണ്ടായി. തുടര്‍ന്ന് യുവാക്കള്‍ സമാഹരിച്ച പലവ്യഞ്ജങ്ങള്‍, ആഹാരസാധനങ്ങള്‍, പലഹാരങ്ങള്‍ എന്നിവയുമായി പയ്യാവൂര്‍ വെമ്പുവ തെരേസ ഭവന്‍ സന്ദര്‍ശിച്ചു. അവിടെ യുവതി യുവാക്കള്‍ നടത്തിയ വിവിധ കലാപരിപാടികള്‍ അവിടെയുള്ള അന്തേവാസികളുടെ ശ്രദ്ധയാകര്‍ഷിച്ചു. യൂണിറ്റ് ചാപ്ളയിന്‍ ഫാ. മാത്യൂ വട്ടുകുളങ്ങര യുവജനദിന സന്ദേശം നല്കി. യൂണിറ്റ് ഡയറക്ടര്‍ ജോസഫ് വെട്ടിക്കുന്നേല്‍, അനൂപ് ജോസ് എന്നിവര്‍ സംസാരിച്ചു. യുവജനങ്ങള്‍ അവിടുത്തെ അന്തേവാസികളുമായി പരിചയപ്പെട്ടതും അവരുടെ അനുഭവങ്ങളില്‍ പങ്കുചേര്‍ന്നതും ആദ്യത്തെ അനുഭവമായി. അവിടുത്തെ അന്തേവാസികളുടെ ജീവിതങ്ങളെ അടുത്തറിയാനും അവരുടെ ജീവിതങ്ങളെ കുറിച്ച് അറിയാനും യുവാകള്‍ക്ക് സാധിച്ചു. അവരെ ആശ്വസിപ്പിക്കാനും അവരുടെ ദു$ഖങ്ങളില്‍ പങ്കു ചേരുവാനും യുവാക്കള്‍ക്കായി. യുവജനദിനാഘോഷം വെമ്പുവ തെരേസ ഭവനിലെ അന്തേവാസികള്‍ക്കൊപ്പം നടത്താന്‍ സാധിച്ചത് യുവതി യുവകള്‍ക്ക് വേറിട്ട ഒരു അനുഭവമായി തീര്‍ന്നു. 15 ഓളം യുവതി യുവാക്കള്‍ പരിപാടിയില്‍ പങ്കെടുത്തു. യൂണിറ്റ് പ്രസിഡന്‍്റ് ജിമ്മി ചക്കാലക്കല്‍ പരിപാടികള്‍ക്ക് നേതൃത്വം നല്കി.
