പാലത്തുരുത്ത്: കെ.സി.വൈ.എല്‍ കൈപ്പുഴ ഫൊറോന തല 56-ാ മത് കെ.സി.വൈ.എല്‍ ജന്മദിനാഘോഷം പാലത്തുരുത്ത് യൂണിറ്റില്‍ വെച്ച് നടത്തപ്പെട്ടു.് കൈപ്പുഴ ഫൊറോന സമിതി അംഗങ്ങളുടെയും, പാലത്തുരുത്ത് യൂണിറ്റ് ഭാരവാഹികളുടെയും, വിവിധ യൂണിറ്റ് പ്രസിഡന്റുമാരുടെയും കാഴ്ച സമര്‍പ്പണത്തോട് കൂടി ആരംഭിച്ച വിശുദ്ധ കുര്‍ബാനയ്ക്ക് ഫൊറോന ചാപ്ലൈന്‍ ഫാ. ഫില്‍മോന്‍ കളത്ര കാര്‍മികത്വം വഹിച്ചു. വിശുദ്ധ കുര്‍ബാനയ്ക്ക് കെ.സി.വൈ.എല്‍ അംഗങ്ങള്‍ നേതൃത്വം നല്‍കി. വിശുദ്ധ കുര്‍ബാനയെ തുടര്‍ന്ന് ഫൊറോന ഡയറക്ടര്‍ ജെസ്റ്റിന്‍ മൈക്കിള്‍ വെള്ളാപ്പള്ളിക്കുഴിയില്‍, പാലത്തുരുത്ത് യൂണിറ്റ് ഡയറക്ടര്‍ ഷൈജി ഓട്ടപ്പള്ളി എന്നിവര്‍ സംയുക്തമായി കെ.സി.വൈ.എല്‍ പതാക ഉയര്‍ത്തുകയും ഫൊറോനാ സെക്രട്ടറി മെല്‍വിന്‍ എബ്രഹാം പ്രതിജ്ഞ ചൊല്ലി കൊടുക്കുകയും ചെയ്തു. പാലത്തുരുത്ത് ഇടവകാംഗമായ ഫാ. ജോസ് തറയില്‍ സംസാരിച്ചു.
തുടര്‍ന്ന് കെ.സി.വൈ.എല്‍ കൈപ്പുഴ ഫൊറോനാ കൗണ്‍സില്‍ നടത്തപ്പെട്ടു. ഫൊറോന പ്രസിഡന്റ് ആല്‍ബര്‍ട്ട് റ്റോമി അധ്യക്ഷന്‍ ആയിരുന്ന യോഗത്തിന് സെക്രട്ടറി *മെല്‍വിന്‍ എബ്രഹാം* സ്വാഗതം ആശംസിക്കുകയും ചാപ്ലൈന്‍ ഫാ. *ഫില്‍മോന്‍ കളത്ര* ആമുഖ സന്ദേശം നല്‍കുകയും ചെയ്തു. തുടര്‍ന്ന് റിപ്പോര്‍ട്ടും കണക്കും അവതരിപ്പിക്കുകയും വിവിധ ചര്‍ച്ചകള്‍ക്കും ആലോചനകള്‍ക്കും ശേഷം യൂണിറ്റ് പ്രസിഡന്റ് *കിഷോര്‍ ഷൈജിയുടെ* കൃതജ്ഞതയോടുകൂടി യോഗം അവസാനിച്ചു. ഫൊറോന ഭാരവാഹികളായ *ടിനോ ചാക്കോ, ക്രിസ്റ്റി മനോ, സിബിന്‍ തോമസ്, സിസ്റ്റര്‍ ഷെറിന്‍ SJC, പാലത്തുരുത്ത് യൂണിറ്റ് ഭാരവാഹികള്‍* എന്നിവര്‍ പരിപാടികള്‍ക്ക് നേതൃത്വം നല്‍കി.
