ക്നാനായ കാത്തലിക് വിമണ്‍സ് അസോസിയേഷന്റെ നേതൃത്വത്തില്‍ അതിരൂപതാതല കലാകായിക മത്സരങ്ങള്‍ കരിങ്കുന്നം സെന്റ് അഗസ്റ്റിന്‍സ് പാരിഷ് ഹാളില്‍ സംഘടിപ്പിച്ചു അതിരൂപതാ വികാരി ജനറാള്‍ ഫാ. മൈക്കിള്‍ വെട്ടിക്കാട്ട് ഉദ്ഘാടനം നിര്‍വ്വഹിച്ചു. കെ.സി.ഡബ്ല്യു.എ യൂണിറ്റ് ചാപ്ലെയിന്‍ ഫാ. ജെയിംസ് വടക്കേകണ്ടംകരിയില്‍, അതിരൂപതാ സിസ്റ്റര്‍ അഡൈ്വസര്‍ സി. സൗമി എസ്.ജെ.സി, വൈസ് പ്രസിഡന്റ് ബീന ബിജു എന്നിവര്‍ പ്രസംഗിച്ചു. മലബാര്‍ റീജിയണില്‍നിന്നുള്‍പ്പടെ അതിരൂപതയിലെ വിവിധ യൂണിറ്റുകളിലും ഫൊറോനതലത്തിലും മത്സരിച്ച് വിജയികളായവരാണ് അതിരൂപതാതലത്തില്‍ മത്സരിച്ചത്. ഫാന്‍സി ഡ്രസ്സ്, ഭക്തിഗാനാലാപനം, സ്‌കിറ്റ്, മെഴുകുതിരി കത്തിച്ചു ഓട്ടം എന്നീ ഇനങ്ങളിലാണ് മത്സരം സംഘടിപ്പിച്ചത്. ഫൊറോന വികാരി ഫാ. ജോണ്‍ ചേന്നാകുഴി സമാപന സന്ദേശം നല്കുകയും വിജയികള്‍ക്ക് സമ്മാനങ്ങള്‍ നല്കുകയും ചെയ്തു. അതിരൂപതാ ഭാരവാഹികള്‍ പരിപാടികള്‍ക്കു നേതൃത്വം നല്‍കി.
