ക്‌നാനായ കത്തോലിക്കാ കോണ്‍ഗ്രസ് മിഡില്‍ ഈസ്റ്റ് ഗള്‍ഫിലെ കുട്ടികള്‍ക്കായി നടത്തുന്ന ബാംബിനോസ് 2024 സ്റ്റുഡന്റ്‌സ് ക്യാമ്പ് ജൂലൈ 18, 19 തീയതികളില്‍ തെള്ളകം ചൈതന്യ പാസ്റ്ററല്‍ സെന്ററില്‍ വച്ച് നടക്കും. 18 വ്യാഴാഴ്ച രാവിലെ 9:30ന് രജിസ്‌ട്രേഷന്‍ ആരംഭിക്കും. 11 മണിക്ക് KCCME ചെയര്‍മാന്‍ ജെറി ജോയിയുടെ അധ്യക്ഷതയില്‍ ചേരുന്ന യോഗത്തില്‍ കോട്ടയം രൂപതാ അധ്യക്ഷന്‍ അഭിവന്ദ്യ മാര്‍ മാത്യു മൂലക്കാട്ട് ക്യാമ്പ് ഉദ്ഘാടനം ചെയ്യും. ചൈതന്യ പാസ്റ്ററല്‍ സെന്റര്‍ ഡയറക്ടര്‍ ഫാ. സുനില്‍ പെരുമാനൂര്‍, കെ. സി. സി. പ്രസിഡന്റ് ബാബു പറമ്പെടത്തുമലയില്‍ എന്നിവര്‍ ആശംസകള്‍ അര്‍പ്പിച്ചു സംസാരിക്കും. തുടര്‍ന്ന് ഫാ. റ്റിനേഷ് പിണര്‍ക്കയില്‍, അഡ്വ. ആല്‍ബിന്‍ ജോണി എന്നിവര്‍ നേതൃത്വം നല്‍കുന്ന കട്ടുറുമ്പ് ടീം ക്യാമ്പ് നയിക്കും. 19ന് KCCME ചെയര്‍മാന്‍ ജെറി ജോയിയുടെ അധ്യക്ഷതയില്‍ ചേരുന്ന യോഗത്തില്‍ 4 pm ന് വികാരി ജനറല്‍ ഫാ. മൈക്കിള്‍ വെട്ടിക്കാട്ട് സമാപന സമ്മേളനം ഉദ്ഘാടനം ചെയ്യും. കെ. സി. വൈ. എല്‍ പ്രസിഡണ്ട് ജോണീസ് പി സ്റ്റീഫന്‍, കെ. സി. ഡബ്ല്യൂ. എ പ്രസിഡന്റ് ഷൈനി സ്റ്റുഡിയോ എന്നിവര്‍ ആശംസകള്‍ അറിയിച്ചു സംസാരിക്കും.