കോട്ടയം അതിരൂപതയിലെ ക്നാനായ അക്കാദമി ഫോര്‍ റിസേര്‍ച്ച് & ട്രെയിനിംഗിന്റെ ആഭിമുഖ്യത്തില്‍ അപ്നാദേശിന്റെ പങ്കാളിത്തത്തോടെ നടത്തപ്പെടുന്ന ക്നാനായ സ്റ്റാര്‍സ് പ്രോഗ്രാമിലെ കുട്ടികള്‍ക്കായുള്ള അവധിക്കാല ക്യാമ്പ് മെയ് 15 മുതല്‍ 17 വരെ കോതനല്ലൂര്‍ തൂവാനിസാ പ്രാര്‍ത്ഥനാലയത്തില്‍ നടത്തപ്പെടും. മെയ് 15 ബുധനാഴ്ച വൈകുന്നേരം 4.30 ന് ആരംഭിച്ച് 17 വെള്ളിയാഴ്ച വൈകുന്നേരം 4 മണിക്ക് സമാപിക്കും. വിവിധ വിഷയങ്ങളില്‍ ക്ലാസ്സുകളും ചര്‍ച്ചകളും വിനോദപരിപാടികളും ക്യാമ്പിനോടനുബന്ധിച്ച് ക്രമീകരിച്ചിട്ടുണ്ട്. വിദഗ്ദ്ധരായ പരിശീലകരോടൊപ്പം ക്നാനായ സ്റ്റാര്‍സ് മെന്റേഴ്സ് ക്യാമ്പിനു നേതൃത്വം നല്‍കും. ക്നാനായ സ്റ്റാര്‍സ് പ്രോഗ്രാമിലെ 10,11,12,13 ബാച്ചുകളില്‍ നിന്നായി നൂറിലധികം കുട്ടികള്‍ ക്യാമ്പില്‍ പങ്കെടുക്കും.