ഹൂസ്റ്റണ്‍: എബ്രഹാം മുത്തോലത്ത് ഫൗണ്ടേഷന്‍ വികസിപ്പിച്ചെടുത്ത bibleinterpretation.ai എന്ന ഓണ്‍ലൈന്‍ പ്ലാറ്റ്ഫോമിന്റെ ഉദ്ഘാടനം 2024 ഒക്ടോബര്‍ 20-ന് പൂനാ മലങ്കര ബിഷപ്പ് മാത്യൂസ് മാര്‍ പക്കോമിയൂസ് ഹൂസ്റ്റണില്‍ നിര്‍വഹിക്കും. വിശ്വാസവും സാങ്കേതികവിദ്യയും സമുന്വയിപ്പിക്കുന്ന ആര്‍ട്ടിഫിഷന്‍ ഇന്റെലിജന്‍സ് പദ്ധതിയാണിത്.
ആഴത്തിലുള്ള ബൈബിള്‍ ഉള്‍ക്കാഴ്ചകളും വ്യാഖ്യാനങ്ങളും മാര്‍ഗനിര്‍ദേശങ്ങളും നല്‍കിക്കൊണ്ട് ക്രൈസ്തവവിശ്വാസികള്‍, പണ്ഡിതര്‍, ആത്മീയ നേതാക്കള്‍, മതബോധന അധ്യാപകര്‍, ആത്മീയ അന്വേഷകര്‍ എന്നിവരെ ശാക്തീകരിക്കുന്നതിനാണ് bibleinterpretation.ai രൂപകല്‍പ്പന ചെയ്തിരിക്കുന്നത്. വ്യത്യസ്ത ശ്രേണിയികളിലുള്ള ഉപയോക്താക്കള്‍ക്ക് അവശ്യ ഉപകരണമായി പ്രവര്‍ത്തിക്കുമെന്ന് ഈ പ്ലാറ്റ്‌ഫോം വാഗ്ദാനം ചെയ്യുന്നു:
ബൈബിള്‍ പണ്ഡിതര്‍: ഈ നൂതന ഉപകരണം വിശദവും പണ്ഡിതോചിതവുമായ ബൈബിള്‍ വ്യാഖ്യാനങ്ങള്‍ നല്കുന്നു. അക്കാദമിക് വിദഗ്ധര്‍ക്കും ഗവേഷകര്‍ക്കും അവരുടെ പഠനങ്ങള്‍ക്ക് ശക്തവും ഫലപ്രദവുമായ ഉള്‍ക്കാഴ്ചകള്‍ നല്കുന്നു.
പുരോഹിതന്മാര്‍, സഭാ നേതാക്കള്‍: കൂടുതല്‍ അര്‍ഥവത്തായ പ്രഭാഷണങ്ങള്‍ നടത്താനും ആഴത്തിലുള്ള ദൈവശാസ്ത്ര ധാരണയോടെ നയിക്കാനും പുരോഹിതന്മാരെ ഇതു സഹായിക്കുന്നു. കൂടാതെ വചന പ്രഘോഷണത്തിന് മാര്‍ഗനിര്‍ദേശവും സഭാ പഠനങ്ങളും പാരമ്പര്യങ്ങളും ലഭ്യമാക്കുന്നു.
ആത്മീയ അന്വേഷകര്‍: ആത്മീയ യാത്രയില്‍ വളരാന്‍ ആഗ്രഹിക്കുന്നവര്‍ക്ക്, വ്യക്തിഗത ധ്യാനത്തിനും പ്രയോഗത്തിനുമായി ആഴത്തിലുള്ള ദൈവശാസ്ത്ര ആശയങ്ങള്‍ ലളിതമാക്കി ലഭ്യമാക്കുന്നു. സങ്കീര്‍ണ്ണമായ ബൈബിള്‍ ഭാഗങ്ങള്‍ മനസ്സിലാക്കുന്നതിനുള്ള സഹായകരമായ വഴികാട്ടിയാണ് ഈ പ്ലാറ്റ്‌ഫോം.
– മതബോധന അധ്യാപകര്‍: bibleinterpretation.ai അധ്യാപന ഫലപ്രാപ്തിയും വ്യക്തിഗത ആത്മീയ വളര്‍ച്ചയും വര്‍ദ്ധിപ്പിക്കുന്നതിന് ബൈബിള്‍ വ്യാഖ്യാനങ്ങള്‍, പാഠാസൂത്രണ ഉറവിടങ്ങള്‍, സംവേദനാത്മക ഉപകരണങ്ങള്‍, തീമാറ്റിക് മാര്‍ഗ്ഗനിര്‍ദ്ദേശങ്ങള്‍ എന്നിവ അധ്യാപകര്‍ക്കു സജ്ജമാക്കുന്നു.
– ദൈവശാസ്ത്ര വിദ്യാര്‍ത്ഥികള്‍: ഒരു വിദ്യാഭ്യാസ ഉപാധി എന്ന നിലയില്‍, bibleinterpretation.ai ദൈവശാസ്ത്ര വിദ്യാര്‍ത്ഥികളെ അവരുടെ പഠനങ്ങളില്‍ സഹായിക്കും, അവര്‍ക്ക് പണ്ഡിതോചിത ലേഖനങ്ങള്‍, വ്യാഖ്യാന സാങ്കേതികതകള്‍, വേദഗ്രന്ഥ വിശകലനം എന്നിവയിലേക്ക് ഉടനടി ഉത്തരം നല്‍കും.
– വിശ്വാസികള്‍: ജീവിത പ്രതിസന്ധികളില്‍, അത് വ്യക്തിജീവിതത്തിലോ, ദാമ്പത്യ ബന്ധത്തിലോ, കുടുംബാംഗങ്ങളുമായുള്ള ഇടപെടലിലോ, വേണ്ട ബൈബിള്‍ അധിഷ്ഠിത മാര്‍ഗദര്‍ശനം നല്കുന്നു.
ഫാ. എബ്രഹാം മുത്തോലത്ത് ഫൗണ്ടേഷന്‍ വികസിപ്പിച്ച Bibleinterpretation.ai വെറുമൊരു ഡിജിറ്റല്‍ റിസോഴ്‌സ് മാത്രമല്ല – ക്രിസ്ത്യന്‍ ജീവിതം മെച്ചപ്പെടുത്താന്‍ ഉദ്ദേശിച്ചുള്ള ഒരു ആത്മീയ പങ്കാളിയാണ്. ഉപയോക്തൃ-സൗഹൃദ ഇന്റര്‍ഫേസ് ഉപയോഗിച്ചുള്ള ഈ പ്ലാറ്റ്‌ഫോം ബൈബിളിനെ ആഴത്തിലുള്ളതും കൂടുതല്‍ സുഗമമവുമായ രീതിയില്‍ ഉപയോക്താക്കള്‍ക്ക് തികച്ചും സൗജന്യമായി ലഭ്യമാക്കുന്നു.
bibleinterpretation.ai എന്ന ഈ സമാരംഭം, ഡിജിറ്റല്‍ യുഗത്തില്‍ നാം എങ്ങനെ വിശുദ്ധ ഗ്രന്ഥത്തെ വ്യാഖ്യാനിക്കുകയും പ്രയോജനപ്പെടുത്തുകയും ചെയ്യുന്നു എന്നതിന് ഒരു പുതിയ അധ്യായം തുറക്കുന്നു. ഹൂസ്റ്റണ്‍ ഫൊറോനാ വികാരിയും നിരവധി ബൈബിള്‍ ഗ്രന്ഥങ്ങളുടെയും വെബ്‌സൈറ്റുകളുടെയും രചയിതാവുമായ റവ. ഫാ. ഏബ്രഹാം മുത്തോലത്തിന്റെ മറ്റൊരു സംരംഭമാണ് നിര്‍മ്മിത ബുദ്ധി ഉപയോഗിച്ചുള്ള bibleinterpretation.ai.
ബിബി തെക്കനാട്ട്
