കോട്ടയം: 2024 വര്‍ഷത്തെ കേരള സംസ്ഥാന മലിനീകരണ നിയന്ത്രണ ബോര്‍ഡിന്റെ (KSPCB) മികച്ച പരിസ്ഥിതി പ്രവര്‍ത്തനങ്ങള്‍ക്കുള്ള അവാര്‍ഡ് ലഭിച്ച് കാരിത്താസ് ആശുപത്രിയും. ലോക പരിസ്ഥിതി ദിനാഘോഷത്തിന്റെ ഭാഗമായി നടന്ന ഈ ചടങ്ങ് മുഖ്യമന്ത്രി പിണറായി വിജയന്‍ ഔപചാരികമായി ഉദ്ഘാടനം ചെയ്തു. ചടങ്ങില്‍ എം.ബി. രാജേഷ്, എം. വിന്‍സെന്റ്, കടകംപള്ളി സുരേന്ദ്രന്‍, ശ്രീ വി.കെ. പ്രശാന്ത് എന്നിവരും പങ്കെടുത്തു.
മലിനീകരണ നിയന്ത്രണ മേഖലയിലെ മികച്ച പ്രവര്‍ത്തനങ്ങള്‍ അവലോകനം ചെയ്ത് മികച്ചവയ്ക്ക് അവാര്‍ഡുകള്‍ നല്‍കുന്നത് 1989 മുതല്‍ ഉള്ള സര്‍ക്കാര്‍ സമ്പ്രദായമാണ്. കാര്യക്ഷമമായ മലിനീകരണ നിയന്ത്രണ സംവിധാനങ്ങള്‍ ഏര്‍പ്പെടുത്തുന്നതില്‍ കഴിഞ്ഞ വര്‍ഷം സ്തുത്യര്‍ഹമായ മികവ് പുലര്‍ത്തിയ തദ്ദേശ സ്വയംഭരണ സ്ഥാപനങ്ങള്‍, സര്‍ക്കാര്‍ / സ്വകാര്യ ആരോഗ്യ പരിപാലന കേന്ദ്രങ്ങള്‍, റീസൈക്ലിംഗ് യൂണിറ്റുകള്‍ എന്നീ വിഭാഗങ്ങളെയാണ് ഈ വര്‍ഷത്തെ അവാര്‍ഡിനായി പരിഗണിച്ചത്. ജല-വായു മലിനീകരണ നിയന്ത്രണത്തില്‍ കഴിഞ്ഞവര്‍ഷം കൈവരിച്ച നേട്ടങ്ങള്‍, ഊര്‍ജ്ജ സംരക്ഷണത്തിനും ജല സംരക്ഷണത്തിനും നടപ്പിലാക്കിയ പദ്ധതികള്‍, പരിസ്ഥിതി സംരക്ഷണത്തില്‍ കൈവരിച്ച നേട്ടങ്ങള്‍, സാമൂഹിക പ്രതിബദ്ധതയോടെ നടപ്പിലാക്കിയ പൊതുജനേ പദ്ധതികള്‍ തുടങ്ങിയവയാണ് അവാര്‍ഡ് നിര്‍ണ്ണയത്തിനുണ്ടായ മാനദണ്ഡങ്ങള്‍. എല്ലാ മേഖലകളിലും ഏറ്റവും മികച്ച പ്രവര്‍ത്തനങ്ങളാണ് കാരിത്താസ് ആശുപത്രി കാഴ്ച വച്ചത്. കഴിഞ്ഞ 9 വര്‍ഷമായി തുടര്‍ച്ചയായി കാരിത്താസ് ഈ അവാര്‍ഡ് സ്വന്തമാക്കുന്നു.
മനുഷ്യര്‍ക്കൊപ്പം പ്രകൃതിയെയും കാരിത്താസ് പ്രവൃത്തിയിലൂടെ ചേര്‍ത്ത് പിടിച്ചതിന്റെ പ്രതിഫലനമാണ് ഈ വിജയം എന്ന് കാരിത്താസ് ആശുപത്രി ഡയറക്ടര്‍ ഫാ. ബിനു കുന്നത്ത് പറഞ്ഞു. വിജയത്തിലുള്ള സന്തോഷം പങ്കുവയ്ച്ചതിനൊപ്പം മുന്നോട്ടുള്ള പ്രവര്‍ത്തനങ്ങളോടുള്ള പ്രതിബദ്ധതയും അദ്ദേഹം ഉറപ്പ് പറഞ്ഞു. വരും വര്‍ഷങ്ങളില്‍ പ്രകൃതിയോട് ഏറെ ഇണക്കമുള്ള മലിനീകരണം തീരെയില്ലാത്ത ഒരു ക്യാംപസ് ആയി കാരിത്താസ് മാറും.
ഇത് കൂടാതെ ചടങ്ങില്‍, തിരുവനന്തപുരം കോര്‍പ്പറേഷന്‍ മേയര്‍ ശ്രീമതി ആര്യ രാജേന്ദ്രന്‍ കെഎസ്പിസിബിയുടെ ഔദ്യോഗിക പത്രമായ പരിസ്ഥിതി വാര്‍ത്തയുടെ പ്രകാശനം നടത്തി. ഡോ. വി. വേണുഗോപാല്‍ ഐ.എ.എസ്, ചീഫ് സെക്രട്ടറി, ബോര്‍ഡിന്റെ ഇന്റഗ്രേറ്റഡ് വെബ് പോര്‍ട്ടല്‍ ഉദ്ഘാടനം ചെയ്തു. സ്ഥാനപതികളായ ശ്രീമതി ശാരദ ജി. മുരളീധരന്‍ ഐ.എ.എസ്, അഡീഷണല്‍ ചീഫ് സെക്രട്ടറി ഫോര്‍ ലോക്കല്‍ സെല്‍ഫ്-ഗവണ്‍മെന്റ്, റിസോഴ്‌സസ്, ആന്‍ഡ് അഡീഷണല്‍ ചീഫ് സെക്രട്ടറി, വാട്ടര്‍-എയര്‍ ക്വാളിറ്റി ഡയറിയുടെ പ്രകാശനാവും നടത്തി.
