കോട്ടയം ഉന്നത വിദ്യാഭ്യാസത്തിന്റെ വളര്‍ച്ചക്ക് വേണ്ടി രൂപീകൃതമായ റൂസ (Rashtriya Uchchatar Shiksha Abhiyan) ഫണ്ട് പ്രയോജനപ്പെടുത്തി ബി സി എം കോളേജില്‍ പൂര്‍ത്തീകരിച്ച നവീകരിച്ച ഹോസ്റ്റലിന്റെ ഉദ്ഘാടനം 22-02-2024 വ്യാഴാഴ്ച 11 മണിക്ക് ഉന്നത വിദ്യാഭ്യാസ വകുപ്പ് മന്ത്രി ഡോ. ആര്‍. ബിന്ദു നിര്‍വഹിച്ചു. തിരുവഞ്ചൂര്‍ രാധാകൃഷ്ണന്‍ എം.എല്‍.എ സമ്മേളനത്തില്‍ അധ്യക്ഷത വഹിച്ചു . തോമസ് ചാഴിക്കാടന്‍ എം.പി. മുഖ്യാതിഥിയായി . കോളേജ് മാനേജര്‍ റവ. ഫാ. അലക്‌സ് ആക്കാപറമ്പില്‍, പ്രിന്‍സിപ്പല്‍ ഡോ. സ്റ്റെഫി തോമസ്, ബര്‍സാര്‍ ഫാ. ഫില്‍മോന്‍ കളത്ര, റൂസ കോര്‍ഡിനേറ്റര്‍ ഡോ. ജിപിന്‍ വി ജിമ്മി തുടങ്ങിയവര്‍ സംസാരിച്ചു.