ചിക്കാഗോ: ചിക്കാഗോ സെന്റ് മേരീസ് ക്‌നാനായ കത്തോലിക്കാ ഇടവകയിലെ മൂന്നു നോമ്പാചരണവും പുറത്തുനമസ്‌കാരവും ഭക്തിനിര്‍ഭരമായി നടത്തപ്പെട്ടു. ഫെബ്രുവരി 10, 11, 12 തിയ്യതികളിലായ് ഭക്തി നിര്‍ഭരമായ തിരുക്കര്‍മ്മങ്ങളോടെയാണ് മൂന്നു നൊമാചരണം സംഘടിപ്പിച്ചത്. ക്‌നാനായ സമുദായത്തിന്റെ തലപ്പള്ളിയായ കടുത്തുരുത്തി വലിയപള്ളിയിലെ മൂന്നുനോമ്പാചരണത്തെ ഓര്‍മ്മപടുത്തുന്ന രീതിയില്‍ മൂന്നു ദിവസങ്ങളിലും പരമ്പരാഗതമായ പ്രത്യേക പ്രാര്‍ത്ഥനകളും നേര്‍ച്ചകാഴ്ചകളും പ്രത്യേകം സജ്ജമാക്കിയ കുരിശിന്‍ ചുവട്ടില്‍ എണ്ണയൊഴിച്ചു പ്രാര്‍ത്ഥിക്കുവാനുള്ള സൗകര്യവും മൂന്നു ദിവസങ്ങളിലും സജ്ജീകരിച്ചിരുന്നു. ബുധനാഴ്ച്ച നടത്തപ്പെട്ട നോമ്പാചരണത്തിന്റെ സമാപനത്തില്‍ ക്‌നാനായ റീജിയന്‍ ഡയറക്ടര്‍ മോണ്‍സിഞ്ഞോര്‍ തോമസ് മുളവനാല്‍ മുഖ്യ കാര്‍മികത്വം വഹിക്കുകയും സന്ദേശം നല്‍കുകയും ചെയ്തു. തുടര്‍ന്ന് കടുത്തുരുത്തി വലിയ പള്ളിയിലെതുപോലെ പരമ്പരാഗതവും ഭക്തിനിര്‍ഭരവുമായി നടത്തപ്പെട്ട പുറത്തു നമസ്‌കാരത്തിന് ഫാ. ബിബിന്‍ കണ്ടോത്ത് മുഖ്യകാര്‍മികത്വം വഹിച്ചു. കടുത്തുരുത്തിപള്ളിയിലെ മുത്തിയമ്മയുടെ തിരുസ്വരൂപം വഹിച്ചുകൊണ്ട് കുരിശടിയിലേക്ക് നടത്തപ്പെട്ട പ്രദിക്ഷണം ഭക്തിനിര്‍ഭരമായി.
ബിജു & ലവ്ലി പാലകന്‍, ടോം & റീനു വഞ്ചിത്താനത്ത്, ജോയല്‍ & സോളി ഇലക്കാട്ട്, സജി & ബിനു ഇടകരയില്‍, സിറില്‍ & ഷേര്‍ളി കമ്പക്കാലുങ്കല്‍, എബിന്‍ & ആശ പ്ലാംപറമ്പില്‍, ഫിലിപ്പ് & ചിന്നമ്മ ഞാറവേലില്‍, ബിജു & ജീന കണ്ണച്ചാംപറമ്പില്‍, റയാന്‍ കട്ടപ്പുറം എന്നിവര്‍ പ്രസുദേന്തിമാരായിരുന്നു. വികാരി. ഫാ. സിജു മുടക്കോടില്‍, കൈക്കാരന്മാരായ സാബു കട്ടപ്പുറം, ബിനു പൂത്തുറയില്‍, ലൂക്കാച്ചന്‍ പൂഴിക്കുന്നേല്‍, ജോര്‍ജ്ജ് മറ്റത്തിപ്പറമ്പില്‍, നിബിന്‍ വെട്ടിക്കാട്ട്, പാരിഷ് സെക്രട്ടറി സിസ്റ്റര്‍ ഷാലോം പാരിഷ് കൗണ്‍സില്‍ സെക്രട്ടറി സണ്ണി മേലേടം എന്നിവര്‍ കടുത്തുരുത്തി ഇടവകയില്‍ നിന്നുള്ളവരുടെ നേതൃത്വത്തിലുള്ള കമ്മറ്റിക്കാരോടൊപ്പം മൂന്നുനോമ്പാചരണത്തിന് നേതൃത്വം നല്‍കി.
അനില്‍ മറ്റത്തിക്കുന്നേല്‍
