മയാമി: മയാമി സെന്‍റ് ജൂഡ് ഇടവകയിലെ മിഷന്‍ ലീഗ് കുട്ടികള്‍ സമാഹരിച്ച തുക, ക്നനായായ റീജിയന്‍ സെമിനാരി ഫണ്ടിലേക്ക് നല്‍കുന്നതിനായി, മോണ്‍. തോമസ് മുളവനാലിനെ ഏല്‍പ്പിച്ചു. തദവസരത്തില്‍ കുഞ്ഞുങ്ങളുടെ ഈ നല്ല പ്രവര്‍ത്തിയെ മുളവനാല്‍ അച്ചന്‍ ശ്ളാഘിക്കുകയും , പൗരോഹിത്യത്തിലേയ്ക്കും, സന്ന്യാസസത്തിലേയ്ക്കും കൂടുതല്‍ ദൈവവിളികള്‍ ഉണ്ടാകാന്‍ പ്രാര്‍ത്ഥിക്കണമെന്ന് ജനത്തെ ഓര്‍മ്മിപ്പിച്ചു. ഇടവക വികാരി ഫാ സജി പിണര്‍ക്കയില്‍ കുട്ടികളെയും നേതൃതം കൊടുത്തവരെയും അഭിനന്ദിച്ചു. മഞ്ജു വെളിയന്തറയില്‍ ,ജോസ്നി വെള്ളിയാന്‍, മാത്യു പൂഴിക്കനടക്കല്‍, സുബി പനന്താനത്ത് തുടങ്ങിയവര്‍ നേതൃത്വം നല്‍കി.
എബി തെക്കനാട്ട് (PRO)
