സംസ്ഥാന സ്‌കൂള്‍ കായിക മേളയില്‍ ജൂനിയര്‍ വിഭാഗം പോള്‍വാള്‍ട്ടില്‍ സ്വര്‍ണ്ണ മെഡല്‍ നേടിയ മിലന് സാബു കൊല്ലംപറമ്പിലിനെ ഇടവകയായ സെന്റ് ജോസഫ് ക്‌നാനായ കത്തോലിക്കാ പള്ളിയില്‍ അനുമോദിച്ചു. വികാരി ഫാ. ലുക്ക് കരിമ്പില്‍ അദ്ധ്യക്ഷത വഹിച്ചു സംസാരിച്ച മീറ്റിംഗില്‍ കൂടാരയോഗം കേന്ദ്ര പ്രസിഡന്റ് ജോസ് പ്ലാത്താനത്ത് ആശംസകള്‍ നേര്‍ന്നു.
മീറ്റിംഗില്‍ ഇടവകയുടെയും, വിന്‍സെന്റ് ഡി പോള്‍ സംഘടനയുടെയും ഇടവകയിലെ വിമുക്ത ഭടന്മാരുടെ ഗ്രൂപ്പായ സെന്റ് ജോസഫ്‌സ് വാരിയേഴ്സിന്റെയും, UK യിലുള്ള അതിരൂപത അംഗമായ വൈദികന്റെയും ക്യാഷ് അവാര്‍ഡുകള്‍ മിലന് സമ്മാനിച്ചു. ഇടവക KCC, KCWA സംഘടനകളുടെയും ഉപഹാരങ്ങള്‍ നേരത്തെ നല്‍കുകയുണ്ടായി.
മിലനും അമ്മ ഷീജാ സാബുവും നന്ദിപറഞ്ഞു സംസാരിച്ചു. ബെന്നി കറത്തേടം മീറ്റിംഗിന് സ്വാഗതം പറഞ്ഞു. കല്ലറയില്‍ വച്ച് നടന്ന അതിരൂപത ദേവാലയ സംഗീത മത്സരത്തില്‍ സമ്മാനം നേടിയ ഇടവക ഗായക സംഘത്തിനും ഫോറോനയിലെ രണ്ടാമത്തെ മികച്ച യൂണിറ്റായി തിരഞ്ഞെടുത്ത ഇടവക KCWA യൂണിറ്റിനും മീറ്റിങ്ങില്‍ ട്രോഫികള്‍ സമ്മാനിച്ചു.
