കൂടല്ലൂര്‍: കെ.സി.ഡബ്ല്യു.എ കിടങ്ങൂര്‍ ഫൊറോന വാര്‍ഷികം കൂടല്ലൂര്‍ പാരിഷ് ഹാളില്‍ നടത്തി.
സമാപന സമ്മേളനത്തില്‍ ഫൊറോന വൈസ് പ്രസിഡന്റ് ജെസ്സി ജോസ് അധ്യക്ഷത വഹിച്ചു. ഫൊറോന വികാരി ഫാ. ജോസ് നെടുങ്ങാട്ട് ആമുഖസന്ദേശം നല്കി. കെ.സി.വൈ.എല്‍. അതിരൂപത ഡയറക്ടര്‍ ഷെല്ലി ജോസഫ് ഉദ്ഘാടനം നിര്‍വഹിച്ചു. ഫാ. ജോസ് പൂതൃക്കയില്‍, സില്‍ജി സജി എന്നിവര്‍ ആശംസകള്‍ നേര്‍ന്നു.
സമ്മേളനത്തിനു മുമ്പായി ഫ്‌ളോറന്‍സ് നൈറ്റിംഗ്‌ഗേല്‍ അവാര്‍ഡു ജേതാവായ ഷീലാ റാണി സാന്ത്വന പരിചരണത്തില്‍ സ്ത്രീയുടെ പങ്കിനെക്കുറിച്ച് ബോധവത്കരണ ക്ലാസെടുത്തു. ബിന്ദു സിബി സ്വാഗതവും അനു ജോമോന്‍ നന്ദിയും പറഞ്ഞു. കലാകായിക മത്സരങ്ങളിലെ വിജയികള്‍ക്കു മുഖ്യാതിഥി സമ്മാനങ്ങള്‍ നല്കി. കിടങ്ങൂര്‍ ഫൊറോന ഭാരവാഹികളും കൂടല്ലൂര്‍ യൂണിറ്റ് ഭാരവാഹികളും പരിപാടികള്‍ക്ക് നേതൃത്വം നല്കി.
കെ.സി.ഡബ്ല്യു.എ കിടങ്ങൂര്‍ ഫൊറോന വാര്‍ഷികം
