എറണാകുളത്തു നടക്കുന്ന സംസ്ഥാന സ്‌കൂള്‍ കായിക മേളയില്‍ ഏറ്റുമാനൂര്‍ സെന്റ് ജോസഫ് ക്നാനായ ചര്‍ച്ച് ഇടവകാംഗം മിലന്‍ സാബു കൊല്ലംപറമ്പില്‍ പോള്‍വാള്‍ട്ടില്‍ 4 മീറ്റര്‍ ചാടി സ്വര്‍ണ്ണം നേടി. തുടര്‍ച്ചയായ രണ്ടാം വര്‍ഷമാണ് പോള്‍വാള്‍ട്ടില്‍ സംസ്ഥാന മീറ്റില്‍ മിലന്‍ സ്വര്‍ണ്ണം നേടുന്നത്. കഴിഞ്ഞ മാസം പാലായില്‍ വച്ച് നടന്ന ജില്ലാ മീറ്റില്‍ 4.10 മീറ്റര്‍ ചാടി പുതിയ മീറ്റ് റെക്കോര്‍ഡൊടെ സ്വര്‍ണം നേടിയിരുന്നു.
ഏറ്റുമാനൂര്‍ വെട്ടിമുകള്‍ കൊല്ലംപറമ്പില്‍ പരേതനായ സാബുവിന്റെയും ഷീജയുടെയും മകനാണ് മിലന്‍. മെല്‍ബാ സാബു, മെല്‍ബിന്‍ സാബു എന്നിവരാണ് സഹോദരങ്ങള്‍.
