കടുത്തുരുത്തി: മേരി മാതാ ഐ ടി ഐയില്‍ വിവിധ കോഴ്‌സുകളില്‍ പരിശീലനം പൂര്‍ത്തീകരിച്ച് ഉന്നത വിജയം നേടിയ വിദ്യാര്‍ഥികള്‍ക്ക് സ്‌കോളര്‍ഷിപ്പും, സര്‍ട്ടിഫിക്കറ്റുകളും വിതരണം ചെയ്തുകൊണ്ടുള്ള കോണ്‍വൊക്കേഷന്‍ സെറിമണി നടത്തപ്പെട്ടു. മേരി മാതാ ഐ ടി ഐ ഓഡിറ്റോറിയത്തില്‍ നടന്ന സമ്മേളനത്തില്‍ പ്രിന്‍സിപ്പല്‍ ഫാ. സന്തോഷ് മുല്ലമംഗലത്ത് ഏവരെയും സ്വാഗതം ചെയ്തു. കടുത്തുരുത്തി ഗവണ്‍മെന്റ് പോളിടെക്‌നിക് കോളേജ് പ്രിന്‍സിപ്പല്‍ ഗീത സി എം കോണ്‍വൊക്കേഷന്‍ സെറിമണി ഉദ്ഘാടനം ചെയ്ത്, സര്‍ട്ടിഫിക്കറ്റ് വിതരണം നടത്തി. ഈ സമ്മേളനത്തിന് ഐ ടി ഐ മാനേജര്‍ ഫാ. അബ്രാഹം പറബേട്ട് അധ്യക്ഷത വഹിക്കുകയും പ്രതിഭകള്‍ക്ക് സ്‌കോളര്‍ഷിപ്പുകളും, മെമെന്റോയും വിതരണം നടത്തുകയും ചെയ്തു. പഞ്ചായത്ത് വൈസ് പ്രസിഡന്റ് ജിന്‍സി എലിസബത്ത് ആശംസകള്‍ അര്‍പ്പിച്ചു. ഇന്‍സ്ട്രക്ടര്‍ മിനി എ കെ കൃതജ്ഞത അര്‍പ്പിച്ചു.
