പുതുവേലി:കെ സി ഡബ്ള്യു എ ഉഴവൂര്‍ ഫൊറോന വാര്‍ഷികം പുതുവേലി സെന്റ് ജോസഫ് ക്‌നാനായ കത്തോലിക്കാ പള്ളി പാരിഷ് ഹാളില്‍ വച്ച് ഫൊറോന പ്രസിഡന്റ് ഡോ. ഷൈനി സ്റ്റീഫന്റെ അധ്യക്ഷതയില്‍ കൂടിയ യോഗം കെ സി ഡബ്ള്യു എ ഫൊറോന ചാപ്ലിന്‍ ഫാ. കുര്യന്‍ തട്ടാര്‍ കുന്നേല്‍ ഉദ്ഘാടനം നിര്‍വഹിച്ചു. പുതുവേലി യൂണിറ്റ് ചാപ്ലിന്‍ ഫാ. ജോസഫ് ഈഴാറത്ത് അനുഗ്രഹ പ്രഭാഷണം നടത്തി ഫൊറോന സിസ്റ്റര്‍ അഡൈ്വസര്‍ ഡോ. സി. കരുണ എസ് വി എം , കെ സി സി യൂണിറ്റ് പ്രസിഡന്റ് ആല്‍വിന്‍ എബ്രഹാം, കെ സി വൈ എല്‍ ഫൊറോന പ്രസിഡന്റ് സബിന്‍ സണ്ണി, കെ സി ഡബ്ള്യു എ ഫൊറോന വൈസ് പ്രസിഡണ്ട് .ഷീല സൈമണ്‍, കെ സി ഡബ്ലിയു എ യൂണിറ്റ് പ്രസിഡന്റ് ജിഷ ആല്‍വിന്‍ എന്നിവര്‍ പ്രസംഗിച്ചു. കെ സി ഡബ്ല്യു എ ഫൊറോന സെക്രട്ടറി കുഞ്ഞുമോള്‍ റോയ് റിപ്പോര്‍ട്ട് അവതരിപ്പിച്ചു . വാര്‍ഷിക ആഘോഷത്തോടെ അനുബന്ധിച്ച് ഡോ. സി. ലീസ എസ് വി എം, അമ്മമാര്‍ അഭിമുഖീകരിക്കുന്ന ഇന്നിന്റെ വെല്ലുവിളികള്‍ എന്ന വിഷയത്തെ ആസ്പദമാക്കി സെമിനാര്‍ നടത്തി. ഫൊറോന തലത്തില്‍ നടത്തിയ കലാകായിക മത്സരങ്ങളുടെ സമ്മാനങ്ങള്‍ വിതരണം ചെയ്തു. ഫൊറോനായിലെ ഏറ്റവും മികച്ച യൂണിറ്റിനുള്ള എവറോളിംഗ് ട്രോഫി പുതുവേലി യൂണിറ്റ് കരസ്ഥമാക്കി അരീക്കര, ഉഴവൂര്‍ യൂണിറ്റുകള്‍ രണ്ടും മൂന്നും സ്ഥാനം കരസ്ഥമാക്കി സ്‌നേഹ വിരുന്നോടെ വാര്‍ഷിക ആഘോഷങ്ങള്‍ സമാപിച്ചു.
