ഇടയ്ക്കാട്ട് ഫൊറോന കെ.സി.ഡബ്ള്യു.എവാര്‍ഷിക ആഘോഷം കോട്ടയം ക്രിസ്തുരാജാ കത്തീഡ്രല്‍ യൂണിറ്റിന്റെ നേതൃത്വത്തില്‍ സെന്റ് ആന്‍സ് ഹൈസ്‌കൂളില്‍വച്ച് നടത്തപ്പെട്ടു. കെ.സി.ഡബ്ലിയു. എ ഇടയ്ക്കാട്ട് ഫൊറോന പ്രസിഡന്റ് അനില ബാബു യോഗത്തില്‍ അധ്യക്ഷത വഹിച്ചു. കോട്ടയം അതിരൂപത ചാന്‍സലറും കോട്ടയം ക്രിസ്തുരാജാ കത്തീഡ്രല്‍ വികാരിയുമായ റവ.ഡോ. തോമസ് ആദോപ്പിള്ളില്‍ യോഗം ഉദ്ഘാടനം ചെയ്തു. ഫാ. ജെഫിന്‍ ഒഴുങ്ങാലില്‍ യോഗത്തില്‍ ആശംസകള്‍ അര്‍പ്പിച്ചു. വാര്‍ഷിക ദിനത്തോടനുബന്ധിച്ച് വനിതകളുടെ വിവിധ മത്സരങ്ങളും കലാപരിപാടികളും പൊതുസമ്മേളനവും നടത്തപ്പെട്ടു. വാര്‍ഷിക ആഘോഷത്തിന് ഫൊറോനാ ഭാരവാഹികളും കത്തീഡ്രല്‍ യൂണിറ്റ് ഭാരവാഹികളും നേതൃത്വം നല്‍കി.
ഇടയ്ക്കാട്ട് ഫൊറോന കെ.സി.ഡബ്ള്യു.എ വാര്‍ഷിക ആഘോഷം നടത്തപ്പെട്ടു
