2024 – 2025 വര്‍ഷം കോട്ടയം അതിരൂപത ജീസസ് യൂത്തും കരിസ്മാറ്റിക് കമ്മീഷനും സംയുക്തമായി യുവജനങ്ങള്‍ക്കും കുട്ടികള്‍ക്കുമായി പ്രാര്‍ത്ഥനാ വര്‍ഷമായി ആചരിക്കുന്നതിന്റെ ഭാഗമായി, Route 2 Roots ആരാധന കടുത്തുരുത്തി ഫോറോനയില്‍ അനേകം ആളുകളുടെ സഹകരണത്തോടെ നടന്നുവരുന്നു. കടുത്തുരുത്തി ഫൊറോനയിലെ 8,9,10 ക്ലാസ്സുകളില്‍ പഠിക്കുന്ന കുട്ടികള്‍ക്കായുള്ള ധ്യാനം കോതനല്ലൂര്‍ തൂവാനിസ പ്രാര്‍ത്ഥനലയത്തില്‍ ഒക്ടോബര്‍ 25, 26 തിയതികളില്‍ നടത്തപ്പെട്ടു . ബ്ര. സണ്ണി തയ്യില്‍ നയിച്ച ധ്യാനത്തില്‍ കടുത്തുരുത്തി ഫോറോനയിലെ വിവിധ ഇടവകകളില്‍ നിന്നുള്ള 115 കുട്ടികളും 9 ജീസസ് യൂത്ത് വോളന്റിയര്‍മാരും നിരവധി സന്യസ്തരും പങ്കെടുത്തു. കെ സി വൈ എല്‍ അതിരൂപത ചാപ്ലൈന്‍ ഫാ. ടിനേഷ് പിണര്‍കയില്‍ വി. കുര്‍ബാന അര്‍പ്പിച്ചു. തൂവാനിസ ഡയറക്ടറും കരിസ്മാറ്റിക് കമ്മീഷന്‍ ചെയര്‍മാനുമായ ഫാ. റെജി മുട്ടത്തില്‍ ആരാധന നയിച്ചു. ധ്യാനത്തില്‍ പങ്കെടുത്ത എല്ലാ കുട്ടികള്‍ക്കും കുമ്പസാരത്തിനും, കൗണ്‍സിലിംഗിനുമുള്ള സൗകര്യം ഒരുക്കിയിരുന്നു. കടുത്തുരുത്തി ഫൊറോനയിലെ ബഹുമാനപ്പെട്ട വൈദികര്‍ കുമ്പസാരത്തിന് സഹായിച്ചു.
സെന്റ് ജോസഫ് സമൂഹത്തിലെയും, വിസിറ്റേഷന്‍ സമൂഹത്തിലെയും സിസ്റ്റേഴ്‌സ് കൗണ്‍സിലിംഗിന് സഹായിച്ചു. കോട്ടയം അതിരൂപതാ ജീസസ് യൂത്ത് ടീം അംഗങ്ങളും, കടുത്തുരുത്തി ഫൊറോന ജീസസ് യൂത്ത് അംഗങ്ങളും നേതൃത്വം നല്‍കി.