മടമ്പം: പികെഎം കോളേജില്‍ അധ്യാപകദിനം ആഘോഷിച്ചു. കോളേജ് പ്രിന്‍സിപ്പല്‍ ഡോ. ജെസ്സി എന്‍.സി പരിപാടിക്ക് നേതൃത്വം നല്‍കി. നിര്‍മലഗിരി കോളേജ് പ്രിന്‍സിപ്പല്‍ ഡോ.സെബാസ്റ്റ്യന്‍ ടി.കെ മുഖ്യാതിഥിയായിരുന്നു, സ്റ്റാഫ് കോര്‍ഡിനേറ്റര്‍ ഡോ. ഷോളി ജോസഫ് കെ., വിദ്യാര്‍ത്ഥി പ്രതിനിധി ആര്യ കെ. എന്നിവര്‍ ആശംസകള്‍ അര്‍പ്പിച്ചു. അന്‍സ്വരയും സംഘവും അവതരിപ്പിച്ച ഗുരുവന്ദനവും നടന്നു.വിദ്യാര്‍ത്ഥികളും അധ്യാപകരും തങ്ങളുടെ വ്യക്തിപരമായ അനുഭവങ്ങളും അധ്യാപകരെക്കുറിച്ചുള്ള ചിന്തകളും പങ്കുവെച്ചു. അധ്യാപകര്‍ക്കായി വിവിധ കലാപരിപാടികളും നടത്തപ്പെട്ടു. സ്റ്റുഡന്‍്റ് കോ ഓര്‍ഡിനേറ്റര്‍ ആദര്‍ശ് കുമാര്‍ സ്വാഗതവും സോണിമ കൃഷ്ണന്‍ നന്ദിയും പറഞ്ഞു.
