തിരുബാലസഖ്യം സംഘടനയുടെ അതിരൂപതാതല പ്രവര്‍ത്തന ഉദ്ഘാടനം തെള്ളകം ചൈതന്യ പാസ്റ്ററല്‍ സെന്ററില്‍ ചേര്‍ന്ന യോഗത്തില്‍ കോട്ടയം അതിരൂപത വികാരി ജനറാള്‍ ഫാ. മൈക്കിള്‍ വെട്ടിക്കാട്ട് നിര്‍വ്വഹിച്ചു. തിരുബാലസഖ്യം അതിരൂപതാ ഡയറക്ടര്‍ ഫാ. മാത്യു കുളക്കാട്ടുകുടിയിലിന്റെ അദ്ധ്യക്ഷതയില്‍ ചേര്‍ന്ന യോഗത്തില്‍ അതിരൂപതാ വൈസ് ഡയറക്ടര്‍ സി. ഡിവിന എസ്.വി.എം, എഫ്രോണ്‍ മൈക്കിള്‍ എന്നിവര്‍ പ്രസംഗിച്ചു. തിരൂബാലസഖ്യ സംഘടനയുടെ ഒരു വര്‍ഷത്തേക്കുള്ള പ്രവര്‍ത്തന മാര്‍ഗ്ഗരേഖ യോഗത്തില്‍ പ്രകാശനം ചെയ്തു. യൂണിറ്റുകളിലെ ആനിമേറ്റേഴ്സും യൂണിറ്റ് ഭാരവാഹികളും പങ്കെടുത്തു. അനിമേറ്റേഴ്സിനായി സിസ്റ്റര്‍ ബെസി എസ്.ജെ.സിയും കുട്ടികള്‍ക്കായി സിസ്റ്റര്‍ ആഷ്ന എസ്.ജെ.സി., സിസ്റ്റര്‍ അപര്‍ണ്ണ എസ്.ജെ.സി എന്നിവരും ക്ലാസ്സ് നയിച്ചു.
