1975 ജൂലൈ മാസം 26-ാം തീയതി കാലം ചെയ്ത ഭാഗ്യസ്മരണാര്‍ഹനായ കോട്ടയം അതിരൂപതയുടെ അദ്ധ്യക്ഷനായിരുന്ന അഭിവന്ദ്യ മാര്‍ തോമസ് തറയില്‍ പിതാവിന്റെ 49-ാം ചരമവാര്‍ഷികം കോട്ടയം ക്രിസ്തുരാജാ കത്തീഡ്രലില്‍ നടത്തപ്പെടുന്നു. ജൂലൈ 26 വെള്ളിയാഴ്ച വൈകുന്നേരം 4 മണിക്ക് അതിരൂപതാദ്ധ്യക്ഷന്‍ മാര്‍ മാത്യു മൂലക്കാട്ട് മെത്രാപ്പോലീത്തായുടെ മുഖ്യകാര്‍മ്മികത്വത്തില്‍ അര്‍പ്പിക്കപ്പെടുന്ന വിശുദ്ധ കുര്‍ബാനയിലും അനുസ്മരണ പ്രാര്‍ത്ഥനയിലും അതിരൂപതയിലെ വൈദിക-സമര്‍പ്പിത-അല്മായ പ്രതിനിധികള്‍ പങ്കെടുക്കും. തുടര്‍ന്ന് അഭിവന്ദ്യ തറയില്‍ പിതാവിന്റെ ചരമവാര്‍ഷികത്തിന്റെ അന്‍പതാംവര്‍ഷത്തോടനുബന്ധിച്ച് നടപ്പിലാക്കുന്ന ഒരു വര്‍ഷം നീണ്ടുനില്ക്കുന്ന വിവിധ കര്‍മ്മപരിപാടികള്‍ക്കു തുടക്കം കുറിക്കും.
