കടുത്തുരുത്തി സെന്റ്.മൈക്കിള്‍സ് സ്‌കൂളില്‍ പരിസ്ഥിതി ദിനാചരണത്തിന്റെ ഭാഗമായി ഉപയോഗം കഴിഞ്ഞ പ്ലാസ്റ്റിക് പേനകള്‍ നിക്ഷേപിക്കുന്നതിനായി പെന്‍ബോക്‌സ് സ്ഥാപിച്ചു.
സ്‌കൂളിലെ നല്ല പാഠം പദ്ധതിയുടെ കോഡിനേറ്റര്‍ ലിജിമോള്‍ എബ്രഹാമിന്റെ അധ്യക്ഷതയില്‍ സ്‌കൂള്‍ പ്രധാന അധ്യാപിക സുജാ മേരി തോമസ് പദ്ധതി ഉദ്ഘാടനം ചെയ്തു.
പ്ലാസ്റ്റിക് പേനകളുടെ ഉപയോഗം കുറയ്ക്കുകയും, പേപ്പര്‍ പേനകളും, മഷി പേനകളും പ്രോത്സാഹിപ്പിക്കുകയും ചെയ്തുകൊണ്ട് പരിസ്ഥിതി സൗഹാര്‍ദ പ്രവര്‍ത്തനങ്ങള്‍ പ്രോത്സാഹിപ്പിക്കുന്നതിനാണ് പദ്ധതി വിഭാവനം ചെയ്തിരിക്കുന്നത്.
