കല്ലറ: കല്ലറ സെന്റ് തോമസ് ഹൈ സ്കൂളില് സ്വതന്ത്ര സോഫ്റ്റ്വെയര് വാരാചരണത്തിന്റെ ഭാഗമായി അധ്യാപകര്ക്ക് വേണ്ടി സ്വതന്ത്ര സോഫ്റ്റ്വെയറിനെക്കുറിച്ചുള്ള ബോധവത്ക്കരണ ക്ലാസ് സംഘടിപ്പിച്ചു. ക്ലാസ് കൈകാര്യം ചെയ്തത് ലിറ്റില് കൈറ്റ്സ് ക്ലബ്ബംഗങ്ങളായ അതുല് ആര് നായരും ഇഷാന് ശ്രീരാജും ആയിരുന്നു. ഈ പരിപാടിയില് സ്വതന്ത്ര സോഫ്റ്റ്വെയറിന്റെ മഹത്വം, അതിന്റെ സൗജന്യാവകാശം, സൗകര്യങ്ങള്, വിദ്യാഭ്യാസ മേഖലയില് അതിന്റെ പ്രാധാന്യം തുടങ്ങിയ വിഷയങ്ങള് വിശദീകരിക്കപ്പെട്ടു. ബ്ലെന്ഡര്, ടു പി ട്യൂബ്, ക്രിറ്റ,ജിമ്പ് , ഇന്ഗ്സ്കേപ്പ് ക്യാന്വാ തുടങ്ങിയ വിവിധ സ്വതന്ത്ര സോഫ്റ്റുവെയറുകള് പരിചയപ്പെടുത്തി. അധ്യാപകര് വിദ്യാര്ത്ഥികളുടെ നേതൃത്വത്തില് ഇത്തരമൊരു ക്ലാസ് ലഭിച്ചതില് വലിയ ആവേശം പ്രകടിപ്പിച്ചു. ക്ലാസ് ആധുനിക സാങ്കേതിക സഹായങ്ങളോടും വിവര സമൃദ്ധിയോടും കൂടിയായിരുന്നുവെന്ന് അധ്യാപകര് അഭിപ്രായപ്പെട്ടു.
