ചിക്കാഗോ: ഗ്ലെന്‍ എലനിലെ കോളേജ് ഓഫ് ഡ്യൂപേജില്‍ വച്ച് നടന്ന ക്‌നാനായ നൈറ്റ് 2025 പ്രൗഡ ഗംഭീരമായി. അനിവാര്യമായിരുന്ന മാറ്റങ്ങള്‍ ഉള്‍ക്കൊണ്ടുകൊണ്ട് അനൗണ്‍സ് ചെയ്തിരുന്നത് പോലെ കൃത്യം 5:00 മണി ക്ക് തന്നെ പ്രോഗ്രാമുകള്‍ സ്റ്റാര്‍ട്ട് ചെയ്തത് അംഗങ്ങള്‍ക്കിടയില്‍ കൂടുതല്‍ മതിപ്പുളവാക്കി. 170 ല്‍ പരം കുട്ടികളെ കോര്‍ത്തിണക്കിക്കൊണ്ട് കിഡ്‌സ് ക്ലബ് കോഡിനേറ്റേഴ്‌സ് കൃത്യം 5:00 മണി ക്ക് തന്നെ കിഡ്‌സ് ക്ലബ് പ്രോഗ്രാമുകള്‍ തുടങ്ങുവാനായത് ക്‌നാനായ നൈറ്റിന് നല്ലൊരു തുടക്കമായി. കിഡ്‌സ് ക്ലബ്ബിന്റെ പ്രോഗ്രാമിനെ തുടര്‍ന്ന് കെ.സി.ജെ.എല്‍, ഗോള്‍ഡീസ്, സീനിയര്‍ സിറ്റിസണ്‍സ്, കെ.സി.വൈ.എല്‍., യുവജനവേദി എന്നിവരുടെ പ്രകടനങ്ങള്‍ പരിപാടികള്‍ക്ക് കൂടുതല്‍ മിഴിവേകി. അതിനുശേഷം നടന്ന വിമന്‍സ് ഫോറത്തിന്റെ വൈവിധ്യമാര്‍ന്ന കലാപ്രഘടനങ്ങള്‍ ക്‌നാനായ നൈറ്റിന് കൂടുതല്‍ നിറച്ചേര്‍ത്തായി.

പരിപാടികളുടെ മധ്യത്തില്‍ കെ.സി. സി. എന്‍. എ യുടെ 16 മത് കണ്‍വെന്‍ഷന്‍ കിക്കോഫും നടത്തപ്പെടുകയുണ്ടായി. രജിസ്‌ട്രേഷന്‍ ഓപ്പണ്‍ ആയതിനുശേഷം രണ്ട് ആഴ്ചയ്ക്കുള്ളില്‍ തന്നെ ഏതാണ്ട് 500 ന് അടുത്ത ഫാമിലികള്‍ രജിസ്‌ട്രേഷന്‍ നടത്തിയിട്ടുള്ളത് റെക്കോര്‍ഡ് ഏര്‍ലി രജിസ്‌ട്രേഷന്‍ ആണെന്ന് കെ സി സി എന്‍ എ പ്രസിഡണ്ട് ജെയിംസ് ഇല്ലിക്കല്‍ കിക്ക് ഓഫ് മധ്യത്തില്‍ പ്രഖ്യാപിക്കുകയുണ്ടായി.

അതിനുശേഷം കെ.സി.എസിന്റെ സെന്‍സസ് ഫോം ഫില്‍ ചെയ്തവരുടെ റാഫിള്‍ ഡ്രോയിങ് നടത്തപ്പെടുകയുണ്ടായി. റാഫിള്‍ ഡ്രോയിംഗില്‍ സമ്മാനാഹരായ ടോണി ആന്‍ഡ് സൗമിക്ക് മലബാര്‍ ഗോള്‍ഡിന്റെ 750 ഡോളര്‍ ഡയമണ്ട് വൗച്ചര്‍ സമ്മാനിക്കുകയുണ്ടായി.