KCCNAയുടെ 16-ാമത് നാഷണല് കണ്വെന്ഷന് Fort Lauderdaleയില് നടക്കാനിരിക്കെ ഒരുക്കങ്ങള് ഊര്ജിതമായി പുരോഗമിക്കുന്നു. കണ്വെന്ഷന്റെ ഏര്ലി ബേര്ഡ് രജിസ്ട്രേഷന് 2026 ഫെബ്രുവരി 21ന് അവസാനിക്കുമെന്ന് സ്റ്റിയറിംഗ് കമ്മിറ്റി അറിയിച്ചു.
Broward County Convention Centerല് 2026 ആഗസ്റ്റ് 6 മുതല് 9 വരെ നടക്കുന്ന ഈ മഹാസംഗമം വടക്കേ അമേരിക്കയിലെ ക്നാനായ കത്തോലിക്ക സമൂഹത്തിന്റെ വിശ്വാസപാരമ്പര്യവും ഐക്യവും ആഘോഷിക്കുന്ന വേദിയാകും. KCASF (മയാമി), KCCCF (ടാമ്പാ) എന്നീ യൂണിറ്റുകളുടെ സംയുക്ത ആതിഥേയത്വത്തിലാണ് പരിപാടി സംഘടിപ്പിക്കുന്നത്.
ഉത്തര അമേരിക്കയുടെ വിവിധ ഭാഗങ്ങളില് നിന്ന് ആയിരക്കണക്കിന് പ്രതിനിധികള് പങ്കെടുക്കുമെന്നാണ് പ്രതീക്ഷ. കുടുംബങ്ങള്ക്കും യുവജനങ്ങള്ക്കും വ്യക്തിഗത പങ്കാളികള്ക്കും ഒരുപോലെ ആത്മീയ ഉണര്വും സാമൂഹിക സൗഹൃദവും സമ്മാനിക്കുന്ന അനുഭവമായി കണ്വെന്ഷന് മാറും. ഇതിനകം തന്നെ 550-ല് അധികം രജിസ്ട്രേഷനുകള് ലഭിച്ചതായും സംഘാടകര് അറിയിച്ചു.
ഏര്ലി ബേര്ഡ് കാലാവധി കഴിഞ്ഞാല് ഫാമിലി രജിസ്ട്രേഷനിന് $100യും സിംഗിള് രജിസ്ട്രേഷനിന് $50യും അധികമായി ഈടാക്കും. പേയ്മെന്റ് പൂര്ത്തിയാക്കിയതിനുശേഷമേ രജിസ്ട്രേഷന് സമ്പൂര്ണ്ണമായി കണക്കാക്കുകയുള്ളു. ഹോട്ടല് മുറികള് പേയ്മെന്റ് ചെയ്ത തീയതിയുടെ അടിസ്ഥാനത്തിലായിരിക്കും അനുവദിക്കുക. മികച്ച താമസ സൗകര്യം ഉറപ്പാക്കാന് എത്രയും വേഗം രജിസ്റ്റര് ചെയ്ത് പേയ്മെന്റ് പൂര്ത്തിയാക്കണമെന്ന് സംഘാടകര് ഓര്മ്മിപ്പിക്കുന്നു. രജിസ്ട്രേഷനായി ഔദ്യോഗിക വെബ്സൈറ്റ് സന്ദര്ശിക്കുക: ?? https://convention.kccna.com
3,500-ല് കൂടുതല് പ്രതിനിധികള് പങ്കെടുക്കുമെന്ന് പ്രതീക്ഷിക്കുന്ന ഈ കണ്വെന്ഷന്, ക്നാനായ സമൂഹത്തിന്റെ ഐക്യവും ശക്തിയും ലോകത്തിന് മുന്നില് തെളിയിക്കുന്ന വന്സംഗമമായിരിക്കും.
KCCNAയുടെ നേതൃത്വത്തില് പ്രസിഡണ്ട് James Illikkal, എക്സിക്യൂട്ടീവ് വൈസ് പ്രസിഡണ്ട് Siju Cheruvally, ജനറല് സെക്രട്ടറി Vipin Chaalunkal, ജോയിന്റ് സെക്രട്ടറി Susan Thengumtharayil, ട്രഷറര് Jojo Tharayil, വൈസ് പ്രസിഡണ്ട് Jacob Kusumalayam, ജോയിന്റ് ട്രഷറര് Jensi Kottiyanickal എന്നിവര് പ്രവര്ത്തിക്കുന്നു. കണ്വെന്ഷന് ചെയര്പേഴ്സണ് Joby Ooralil, ആതിഥേയ യൂണിറ്റ് പ്രസിഡന്റുമാരായ Jayamol Moosariparambil, James Thekkanath എന്നിവരും നിരവധി കമ്മിറ്റിയംഗങ്ങളും ഒരുക്കങ്ങള്ക്കായി അഹോരാത്രം പരിശ്രമിക്കുന്നു.
ബൈജു ആലപ്പാട്ട് – KCCNA P.R.O.,
