ഹ്യൂസ്റ്റണ്‍: സെന്റ് മേരീസ് ക്‌നാനായ കത്തോലിക്ക ഇടവകയില്‍ വേദപാഠ കുട്ടികള്‍ക്കായി എല്ലാ വര്‍ഷവും നടത്തപ്പെടുന്നതുപോലെ കാറ്റിക്കിസം ഫെസ്റ്റ് മെയ് 19 ന് നടത്തപ്പെടുന്നു.

രാവിലെ 9.30 നുള്ള ഇംഗ്ലീഷ് കുര്‍ബാനക്ക് ശേഷം കുട്ടികള്‍ക്കായി വിവിധങ്ങളായ വിനോദ പരിപാടികളും, മത്സരങ്ങളും, വ്യത്യസ്തങ്ങളായ കളികളും നടത്തപ്പെടുന്നു. രുചികരമായ ഭക്ഷണങ്ങളും ക്രമീകരിച്ചിട്ടുണ്ട് . മുതിര്‍ന്നവര്‍ക്കും ഇതില്‍ പങ്കെടുക്കാവുന്നതാണ്

പാരിഷ് എസ്സിക്യൂട്ടീവ്, പരിഷ്‌കൗണ്‍സില്‍ അംഗങ്ങള്‍, സിസ്റ്റേഴ്‌സ്, യുവജനങ്ങള്‍,ടീനേജര്‍സ് തുടങ്ങി എല്ലാവരും ഒറ്റക്കെട്ടായി ഫെസ്റ്റിന്റെ വിജയത്തിനായി പ്രവര്‍ത്തിച്ചു വരുന്നു.

രാവിലെ 7.30 ന്റെ കുര്‍ബാനക്കുശേഷവും ഭക്ഷണ കൗണ്ടറുകള്‍ പ്രവര്‍ത്തിക്കുന്നതാണ്.

ഉച്ചക്ക് ഒരു മണി മുതല്‍ ദി ഹോപ്പ് എന്ന മലയാള ചലച്ചിത്രം പ്രദര്ശിപ്പിക്കുന്നതാണ്.

ഇടവകയുടെ ഈ വര്‍ഷത്തെ കാറ്റിക്കിസം ഫെസ്റ്റിലേക്ക് എല്ലാവരെയും ഹൃദയപൂര്‍വം സ്വാഗതം ചെയ്യുന്നതായി വികാരി ഫാ. ഏബ്രഹാം മുത്തോലത്തും ഡി.ആര്‍.ഇ ജോണ്‍സന്‍ വട്ടമാറ്റത്തിലും അറിയിച്ചു.

ബിബി തെക്കനാട്ട്